六點四十五分。 火車站正等待更多上班通勤族出現，而我同樣地等待一個人出現。 時間尚早。我心諗，但老師唔出現，始終心有不安，怕佢突然改變主意。 將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。 一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。 「天崎超市每日新鮮出爐嘅麵包，讓你精神開始每一天～」 「阿爾卡週五限定椿子咖啡，誠意為你早上加倍能量！」 喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。 嗰支令心臟不為焦急，而是因為興奮、期待同緊張嘅邱比特之箭。 我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。 不過喺佢微笑向我打招呼時，明顯臉容帶倦，與裝束有明顯出入。 我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。 走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。 「咁少夠食？」佢將我揀嘅物品直接放上櫃台。 「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」 「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」 澀澤榮一只好乖乖返回銀包。 銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。 入咗閘，上樓梯到達月台，一列...
「第一次呀？」
眼前陌生嘅男人忽然咁問，我只能含羞咁點點頭。
「唔緊要喇，」男人安慰我，「任何事都會有第一次。」然後送我一個親切嘅微笑。
你就梗係笑得落，我第一次咁珍貴就嚟要俾你。
最衰都係佢哋兩個。
※※※※※※※※※※※※※※※※※※※※※※※※※※※※※※※※※※※
就喺今朝，同兩個死黨食早餐嗰時。
「吓？」著住 Tube top、熱褲，外加丹寧布褸嘅 Lucy 聽完我講我未試過嗰時，差啲被佢杯紫薯椰果珍珠少糖走冰奶蓋烏龍茶嗆到，「大學生喇，一次都未試過？」
「未咪未囉！」我有啲嬲咁講，「唔係個個都好似你咁成日『露西』。」
「露『倩』呀！青頭妹！」Lucy 被我激到紮紮跳，「你唔好唔夠人講就人身攻擊！」
「我就唔信書蟲試過！」我手一指指向戴住厚厚嘅近視眼鏡，睇住左手拎實嘅《追憶逝水年華》，右手攞住一杯已經融哂冰但都未飲過嘅冰咖啡嘅 Rachel。
佢聽到我講佢後，放低咗本書，啜咗一大口已經淡哂嘅咖啡，淡然的道：「我試過。」
當刻，我同 Lucy 都大吃一驚，連 Rachel 呢個極度內向腐女都試過？！
「幾……幾多……次？」我驚訝到口窒窒。
Rachel 開始數手指。左手拇指、食指、中指、無名指、尾指，然後右手拇指。
到右手食指時，佢有啲猶豫，講咗句：「五、六次度喇，呢啲嘢過咗第三次就好容易 lost count。」
「哈哈哈！」Lucy 發聲大笑，「Rachel 你夠哂鬼馬喇，唔聲唔聲自己去……」然後轉頭同我講，「得你一個未試過，等我帶你去破處喇！嘻嘻嘻！」
「近來我都有啲心癢癢，係時候再去。」Rachel 托一托眼鏡，饑渴地舔走嘴角那滴咖啡。
「擇日不如撞日，就今日下晝放學後去喇！」
就咁樣放學後，我俾佢哋兩個推咗入呢間房，無幾耐呢個男人就入咗嚟。
※※※※※※※※※※※※※※※※※※※※※※※※※※※※※※※※※※※
「不如開始囉？」男人半催帶問。
已經騎虎難下，死就死喇……
「哦……」
「小姐，你除咗件褸先？」
「好……」
下一秒，男人用布帶綁住我手臂。
我心頭一驚，臉上故作鎮定，但身體嘅一下微抖已經被男人察覺到。
「唔使驚，好多人第一次都會咁。我做咗十幾年見過唔少。」
「你做咗好多年嗱？睇落去好後生喎。」
男人講咗聲多謝後，就背向我唔知準備緊啲乜。
再次轉身面向我時，佢手上多咗支又大又粗嘅ＸＸ……
一諗到呢支嘢將要插入我身體內，我不禁倒抽一口涼氣……
「大叔……你插入嚟嗰時可唔可以輕力啲？」
「放心喇，你唔記得我做咗十幾年咩？好多人被我插咗入去都唔知。」
我咪埋眼唔敢睇，好快我就覺得一陣痛楚。張開眼時，已經見到支嘢插咗入我身體，仲流咗唔少血。
「入咗去喇，」男人依然保持笑容，「係咪唔痛呢？我依家要再推入少少。」
痛，只係一下；之後佢點做其實我已經無感覺。第一次就因為面子同朋輩壓力咁就無咗，我以為我自己會好憎我自己，覺得自己好無用，但諗到若果將來遇到嘅係一個夾硬嚟嘅男人嘅時候，我會好慶幸俾咗一個溫柔細膩嘅凍齡大叔。
過咗十分鐘，男人抽番支嘢出來，又幫我抹走啲血。
「做完喇。」男人一邊收拾一邊說，「感覺如何？」
「係第一下有啲痛外，之後無乜感覺。」
「都話我技術好嫁喇。」
企起身嗰時，忽然頭暈腳軟，差啲跌倒。好在男人扶一扶我。
「做完係會攰啲，陣間去食番啲嘢補充體力喇。」
我點一點頭，跌跌撞撞出咗間房。
「搞掂嗱？」Lucy 同 Rachel 已經坐喺大堂梳化等我。
「嗯……」
「小姐，」我聽到剛才嘅男人叫聲，「你漏咗件外套。」
我接過我件褸，講聲唔該。
「你就好喇！」Lucy 羨慕的道，「我試過呢度咁多個，呢個男人技術最好。我第一次嗰個，插入去嗰時好痛，又搞到我腫咗幾日，你第一次遇到佢真係好彩。」
「第一次搞到咁你都仲要成日嚟，上咗癮喇你。」
「係呀，做埋今次夠十次，有紀念品送添。」
「肚餓，去食飯喇。」Rachel 企起身走向門口，我同 Lucy 從後跟住。
門外企咗個接待員，有禮貌地同我哋點頭。
「多謝三位小姐捐血，希望三個月後再見。」
眼前陌生嘅男人忽然咁問，我只能含羞咁點點頭。
「唔緊要喇，」男人安慰我，「任何事都會有第一次。」然後送我一個親切嘅微笑。
你就梗係笑得落，我第一次咁珍貴就嚟要俾你。
最衰都係佢哋兩個。
※※※※※※※※※※※※※※※※※※※※※※※※※※※※※※※※※※※
就喺今朝，同兩個死黨食早餐嗰時。
「吓？」著住 Tube top、熱褲，外加丹寧布褸嘅 Lucy 聽完我講我未試過嗰時，差啲被佢杯紫薯椰果珍珠少糖走冰奶蓋烏龍茶嗆到，「大學生喇，一次都未試過？」
「未咪未囉！」我有啲嬲咁講，「唔係個個都好似你咁成日『露西』。」
「露『倩』呀！青頭妹！」Lucy 被我激到紮紮跳，「你唔好唔夠人講就人身攻擊！」
「我就唔信書蟲試過！」我手一指指向戴住厚厚嘅近視眼鏡，睇住左手拎實嘅《追憶逝水年華》，右手攞住一杯已經融哂冰但都未飲過嘅冰咖啡嘅 Rachel。
佢聽到我講佢後，放低咗本書，啜咗一大口已經淡哂嘅咖啡，淡然的道：「我試過。」
當刻，我同 Lucy 都大吃一驚，連 Rachel 呢個極度內向腐女都試過？！
「幾……幾多……次？」我驚訝到口窒窒。
Rachel 開始數手指。左手拇指、食指、中指、無名指、尾指，然後右手拇指。
到右手食指時，佢有啲猶豫，講咗句：「五、六次度喇，呢啲嘢過咗第三次就好容易 lost count。」
「哈哈哈！」Lucy 發聲大笑，「Rachel 你夠哂鬼馬喇，唔聲唔聲自己去……」然後轉頭同我講，「得你一個未試過，等我帶你去破處喇！嘻嘻嘻！」
「近來我都有啲心癢癢，係時候再去。」Rachel 托一托眼鏡，饑渴地舔走嘴角那滴咖啡。
「擇日不如撞日，就今日下晝放學後去喇！」
就咁樣放學後，我俾佢哋兩個推咗入呢間房，無幾耐呢個男人就入咗嚟。
※※※※※※※※※※※※※※※※※※※※※※※※※※※※※※※※※※※
「不如開始囉？」男人半催帶問。
已經騎虎難下，死就死喇……
「哦……」
「小姐，你除咗件褸先？」
「好……」
下一秒，男人用布帶綁住我手臂。
我心頭一驚，臉上故作鎮定，但身體嘅一下微抖已經被男人察覺到。
「唔使驚，好多人第一次都會咁。我做咗十幾年見過唔少。」
「你做咗好多年嗱？睇落去好後生喎。」
男人講咗聲多謝後，就背向我唔知準備緊啲乜。
再次轉身面向我時，佢手上多咗支又大又粗嘅ＸＸ……
一諗到呢支嘢將要插入我身體內，我不禁倒抽一口涼氣……
「大叔……你插入嚟嗰時可唔可以輕力啲？」
「放心喇，你唔記得我做咗十幾年咩？好多人被我插咗入去都唔知。」
我咪埋眼唔敢睇，好快我就覺得一陣痛楚。張開眼時，已經見到支嘢插咗入我身體，仲流咗唔少血。
「入咗去喇，」男人依然保持笑容，「係咪唔痛呢？我依家要再推入少少。」
痛，只係一下；之後佢點做其實我已經無感覺。第一次就因為面子同朋輩壓力咁就無咗，我以為我自己會好憎我自己，覺得自己好無用，但諗到若果將來遇到嘅係一個夾硬嚟嘅男人嘅時候，我會好慶幸俾咗一個溫柔細膩嘅凍齡大叔。
過咗十分鐘，男人抽番支嘢出來，又幫我抹走啲血。
「做完喇。」男人一邊收拾一邊說，「感覺如何？」
「係第一下有啲痛外，之後無乜感覺。」
「都話我技術好嫁喇。」
企起身嗰時，忽然頭暈腳軟，差啲跌倒。好在男人扶一扶我。
「做完係會攰啲，陣間去食番啲嘢補充體力喇。」
我點一點頭，跌跌撞撞出咗間房。
「搞掂嗱？」Lucy 同 Rachel 已經坐喺大堂梳化等我。
「嗯……」
「小姐，」我聽到剛才嘅男人叫聲，「你漏咗件外套。」
我接過我件褸，講聲唔該。
「你就好喇！」Lucy 羨慕的道，「我試過呢度咁多個，呢個男人技術最好。我第一次嗰個，插入去嗰時好痛，又搞到我腫咗幾日，你第一次遇到佢真係好彩。」
「第一次搞到咁你都仲要成日嚟，上咗癮喇你。」
「係呀，做埋今次夠十次，有紀念品送添。」
「肚餓，去食飯喇。」Rachel 企起身走向門口，我同 Lucy 從後跟住。
門外企咗個接待員，有禮貌地同我哋點頭。
「多謝三位小姐捐血，希望三個月後再見。」
留言
發佈留言