或者肚餓嘅緣故，老師所謂嘅換衫，我要飯後留意到。 乍看之下，佢依舊戴住幼框墨鏡，圍起嗰條棗紅色嘅頸巾，身穿同一件長長嘅大褸。直至我哋將午飯套餐食完，老師離開座位付錢時，我先見到佢雙腿裸着膝頭，套起一對長筒雪皮靴。 離開旅館之前，佢從口袋內拎出冷帽及皮手套戴上，但膝頭依然暴露於空氣中，任由寒風恣意吹刮。我唔明白。點解佢之前緊張我嘅衣著唔夠抵冷，依家自己卻對膝頭毫無保護。 我無法按住自己嘅好奇，同時帶住對呢種雙重標準嘅不滿，各自上車坐好後問：「你咁樣着唔凍？」 「我有好似你咁樣跳嚟跳去咩？」佢嘲笑話，「你唔知女生忍耐能力比男人犀利？」 「男人唔係強壯啲咩？」 「喺冬天，你會見到唔少女性着短裙，但你會唔會見到男性着短褲？」 「又……又好似係……」我諗起落雪嘅街道，情景的確如此，「但點解要咁樣做？」 「因為想做。」 「就係因為呢啲……」我怕激嬲佢，壓低咗聲音，「毫無邏輯嘅原因？」 「所有嘢到最後都係毫無邏輯，只有喺結果上俾到自己咩嘢意義。」 「就算係痛楚，或者係受苦難，只要俾到意義自己就可以？」 我嘅說話有如落喺地上嘅雪花，埋沒於白茫茫嘅寂靜雪堆中。 老師開咗差唔多一個鐘嘅車，到咗一個細小嘅公共停車場。佢示意我帶好背囊落車，然後我哋行到一個有指示牌寫住「雙繩滝．五百米」嘅山路入口。裡面山路唔算崎嶇，但因為融雪使得路面濕滑，有時要用手扶住左邊嘅石牆而行，避免跌落右邊嘅山崖。十幾分鐘後，不遠處出現一個用木柵圍住嘅小看台，老師加快腳步，幾乎喺踏上看台前跣倒。 走到看台，見老師已經背向我，四十五度抬頭望向前方。我沿住佢視線，兩幕水藍冰瀑就似霧雪中打出兩道冰雷，劈開堅硬峭壁石崖，散出尖銳如箭嘅冰錐從隙間湧出，一支支向住我雙眼直衝而來。 呢一刻，面前看台變成另一個空間。喺嗰度，所有東西被凝結。來勢洶洶嘅瀑布喺吞噬看台嘅一刻前被凝結，河內欲游嘅魚喺擺尾一刻前被凝結，本來心急差啲滑倒嘅老師喺呢刻都係被凝結。 我將被凝結嘅呢一刻濃縮喺手機入面。 可能我嘅動作，又或者時間已到，老師轉身走出看台，往左拐向石牆行去。當我正喺度疑惑嘅時候，佢喺石崖一個無咁斜嘅地方，踩上一塊石頭向上行。我追咗上去，發覺呢個位看似無路，但有輕微被行過嘅痕跡。抬頭一望，老師以近乎手腳並用嘅姿勢爬上石階。我立刻追咗上去。 呢條路既未被開發，而且又斜又迂迴，再加上雪滑，即使我對自己體力算有信心，都覺得一啲都唔容易爬。然而，我...
那喀回頭不見齊駕浪，立刻東望西找，只見到他大街在抱頭鼠竄，早已伸手不可及，又怕留低小璦一人，便打消追出去的念頭。回到震天樓，小璦已經拿著油紙包好的飯菜在等他。 「吾等把飯菜送給那男人，便找間店落腳。」 皮面具男人見二人回來，立刻跳起來衝過去把小璦手中的食物搶來，在木箱上攤開油紙狼吞虎嚥。 「吃得比我們還急，小心別噎著。」 男人沒把小璦的話聽進耳朵，下一秒已吃得透不過氣，咳了兩聲，然後又繼續吃起來。二人看著他這樣子，覺得十分可笑。 「我們剛才也是這樣子嗎？」小璦笑問那喀。 「不曉得呢 …… 」那喀看見他面具上沾上了梅菜扣肉的醬汁，不禁失笑。 沒多久，皮面具男人把東西全部吃光，站起來用衣袖擦擦嘴巴，向二人揮手道：「我吃飽了，兩位再見。」說罷原地一躍，跳上附近的瓦頂，絕塵而去。 「等等！」 「好輕功！」 「還想問問他城內哪裡有便宜的客棧 …… 只好自己找了 …… 」 二人走出死巷，在震天樓附近找客棧留宿，發現自己的盤川只夠住兩個星期。二人往東繼續走去找其他地方，走了數間也是如此，令小璦心裡不住嘀咕。 「可能震天樓太有名氣，連帶附近的租金也漲價 …… 」 「到其他區找找吧。」 他們找了一個下午，終於在東北區找到一間叫宜佳的客棧，可以讓他們投宿三個星期。小二帶他們上了客房，恭敬地離開後，二人便鬆了口氣。 「總算找到地方暫住了 …… 」 「雖然吾知道金錢在城市內得有用，但想不到是如此重要。」 「對呢 …… 之前我們都是以打獵或耕種來自給自足，來到城後又有橙衣姐姐送食；現在才知要在城內自力更生並非易事 …… 」 「只有三個星期 …… 吾沒有信心找到她 …… 」 「既然來了，便盡力做吧！」小璦握緊那喀的手，「總比沒有試過去找來得好。」 那喀心頭一暖，不自覺微笑一下，也捉緊了小璦的手。 「好喇，吾等明天開始努力吧。」 於是，第二天一大清早，二人簡單梳洗後，便出門尋人。雖然偃城佔地沒有可能比山脈和平原廣闊，但要在密集的建築物和蜿蜒的街道內找一個人，卻比一望無際的野外有過之而無不及。 他們走過城東每條窄街小巷，但無法逐家逐戶進去找；他們問過所有擦身而過的途人，可是沒有人對畫中女子有印象。 數天過來，東北區已經找過一遍，依然一無所獲。那喀心想走遍偃城一角，已經花了這麼多時間，怎可能在餘下的十多天...