跳至主要內容

健身室的對倒(Tête-bêche dans la gymnase)

「嘟!」「嚓!」 一入健身室已經聽到跑步機滾輪「轟隆轟隆」轉動。今日星期三,依家係午飯時間,呢度係私人會所內嘅健身室,綜合嚟講應該無乜人會嚟做運動,我實在好奇會有咩人好似我咁無聊。 行入少少,見到一個將黑色長髮夾起,著住黑色緊身運動衣,配上黑色瑜伽褲嘅女仔跑緊步。緊身嘅衣服唔止令佢嘅運動內衣現形,亦將佢結實嘅曲線描繪出嚟。 我提醒自己唔好將目光停留,免得被睇成無禮貌、或者女性主義者掛喺口邊嘅男性凝視、甚至視姦。既然平時用嚟熱身嘅跑步機已經有人用緊,我就靜靜地行去踩單車機度。 不過,我都係忍唔住好奇心,轉身時偷望佢咗一眼。 白皙豔紅或許化妝嘅原故;瑞鳳眼上整齊嘅眉毛看似畫過;然而有幾多女性會喺健身前化妝? 目光離開嘅一剎,彼此嘅眼角好似互相接觸到。 我裝作平常,騎上單車機,踩起踏板開始運動。望住電子熒幕上嘅虛擬風景,腦內卻諗住剛才一剎眼神接觸。咁短嘅時間,佢應該為意唔到?就算為意到,都應該唔會亂諗嘢啩?但係依家女性主義聲勢浩大,佢會唔會就因為呢一剎,喺網上開始留言責罵我?咁佢會唔會已經影低咗我,腦內已經準備好千字文,一返到屋企就滔滔不絕咁敲起鍵盤? 忽然聽到跑步機狂吼,我反射地望過去。激烈轉動嘅滾帶、地震般搖晃嘅熒幕,急促而用力嘅步伐,掛喺旁邊嘅運動上衣,只係著住運動胸圍嘅佢。 女性主義為咗隻貓殺死我嘅好奇心,於是我結束熱身,走去一部見唔到佢嘅機器做胸肌訓練。我將重量校到四十公斤,一個平時我推嘅重量,但推咗幾下,我竟然感到非常吃力。 係熱身不足嘅關係?我休息幾秒再推多下,依然比平時吃力。我試著集中精神,但跑步機嘅狂號不停鑽開腦袋,開咗個大窿俾佢跑咗入嚟。 你唔係喺跑步機跑緊咩?點解會跑咗入嚟?你繼續跑啦,做咩喺我腦入面原地跑?你再唔走,我就… …我就… … 然後跑步機嘅聲音停咗,佢喺我未做出任何行動前,從我腦袋逃跑掉。我亦趁機集中精神用力推咗一下,先發覺滿身香汗,以運動上衣遮胸嘅佢係我前面行過,離開咗健身房。 本來想再推多一下,但佢嘅汗珠被燈光蒸發,喺眼前凝聚成霧,無法繼續集中鍛練之餘,其實所有嘅體力已經喺胡思亂想時用盡。 「睇嚟今日都係無態… …去隔籬焗埋個桑拿就走啦… …」 「嘟!」「嚓!」 ※ 「嘟!」「嚓!」 呢個時候竟然有人入嚟健身?我已經揀個無乜人嘅時間,費事被人有心或無意咁望過嚟。算嘞……唔好理邊個,我自己專心跑步就得。 之不過,望一眼都無所謂啩?至少知

歡迎來到俱樂部

某舞廳包廂內。


「嘭!」一個男人用剛飲完的厚底 Tequila 酒杯大力拍了一下檯。

「屌你老母!」男人帶著幾分酒意大喝一聲,響到連喇叭的K歌聲都蓋過。

其他男男女女一時間停止所有正在做的事;唱歌的嘴靜了,揸波的手停了,扯旗的鳩軟了。

「大狀~有乜事咁勞燥呀?」身旁的舞女從梳化抬起頭來,嬌滴滴又有點兒慌張地問男人,「係咪我服侍得唔好?」

「點會呢?」本來唱歌的男人嬉皮笑臉道,「你去休息一下先,大狀煙癮到,出去吸下氣就無事。」

男人放下了咪,走過去拉拉大狀後臂,「嚟喇,出去透下氣。」

大狀揄好了半垂的長褲,扶住男人肩膊醺醉地行出包廂。

出了舞廳走到角落的一個公園,兩人坐在長凳上。男人遞出一支煙,但大狀一手推開。男人無奈,只好自己叼煙點火,自顧自吞雲吐霧。

半支煙時間後,大狀酒醒了不少,又爆一句「屌你老母」。

「做乜事呀?」男人借機打開話題,「出來玩梗係屌班女喇,點會成日要屌人老母。」

「我最撚想屌班曱甴!」

「嘩!你玩到咁偏激變態,點跟呀?」男人故作驚慌笑說。

「你知我講緊乜嘢,唔好扮傻。」大狀啤住男人說。

「錢財身外物嚟啫,」男人拍一拍大狀肩膊,「又唔係搵唔番。」

「我夠知囉!」佢撥開男人隻手,「但啖氣吞唔落嘛!」

「出來玩唔好咁喇!」男人用身邊花糟的石屎擠熄支煙,「我知有間唔錯嘅俱樂部,不如轉場玩下。」

男人二話不說拿出手機,滑了幾下、按了幾下,又打電話上舞廳知會上面的朋友們,然後同大狀行出馬路邊。

未久,一架黑色賓士 Valente 七人車在佢哋眼前停低。一個白恤衫黑西裝戴黑超的人從助手席落車,禮貌地向男人打招呼。

西裝友拿出一部平版電腦,開咗個程式後,將螢幕端在男人同大狀面前。

「請將右手手掌印喺呢度。」

大狀不明所以,正想問個究竟時,見到男人純熟地照做,就將說話先忍住。

「嘟!」螢幕將掌紋掃好,發出確認的聲音。西裝友將螢幕轉向自己,又按了幾下。

「歡迎你再次光臨,T3CP9 先生。」西裝友拉開 Valente 中間的車門,邀請佢上車。

「唔使驚,照做得喇。」T3CP9 睇出大狀的懷疑,開口安慰佢。

大狀當然滿心疑惑,但 T3CP9 算係佢比較投契同信得過的朋友,自己又好奇想知道往後會點,就照樣將手掌按在平板電腦上。

「歡迎你首次光臨,」西裝友於電腦花了不少時間,「我已經幫你辦妥入會手續,你嘅代號係 74HKY。」

「歡迎你加入,74HKY 先生,請上車。」

車上已經有四人各自坐在中後排左邊及右邊的位置,二人只能坐中間位。

T3CP9 同 74HKY 甫一坐低,左邊的人立刻遞上眼罩,示意他們戴上。74HKY 心知打退堂鼓的話,生命或者有危險,只好不情願照做。

眼罩戴好後,左右兩人立刻將佢雙手扣於扶手上。74HKY 立刻大叫「你哋做乜撚嘢呀」,但車門已經關上,叫聲只有在車內迴響。

「放鬆,咁做只係怕你除低眼罩,」右邊的人說,「但如果你繼續大叫,會影響到司機駕駛,我哋只好令你安靜啲。」

74HKY 立刻安靜下來。佢心諗點解去俱樂部要咁神秘,要咁保密?好想開口問個究竟,但斷估不會得到答案之餘,也有可能「被安靜」下來。

除咗間中紅燈的停頓,賓士 Valente 聽話無聲地前進。車廂變成遠郊湖邊小屋,死寂得只有呼吸聲。冷氣將冒汗的手掌同旺盛的好奇心吹乾,膀胱凍到似洩氣的氣球般收縮,令 74HKY 開始感到尿意。但係,金屬手扣冷漠地話佢聽他唔好亂郁,亦唔好亂問。

車子前進一段時間後,由本來順暢嘅車程,一下子變成崎嶇顛簸。賓士 Valente 好似熱帶雨林嘅青蛙般不斷左跳右跳。原本不輕嘅尿意,依家就快要決堤。

就喺車子猛烈地抖震嘅同時,74HKY 打咗下冷震,尿道內括約肌不自主鬆開,儘管他及時收緊外肌,但都係漏咗幾滴尿液。

「各位大佬,」74HKY 戰戰競競咁話,「我急尿,就嚟瀨喇,可唔可以去個廁所?」

「就到目的地,請你先忍一下。」助手席嘅西裝友用有如接待員嘅禮貌態度回答,喺呢個冷漠車廂內聽起來特別舒服。

唔使一陣,架車停咗落嚟。74HKY 聽到右邊車窗被打開,「嘟」一聲後,「轟轟轟」嘅捲鐵閘聲隨之而來。

車子慢駛咗一陣,停低、熄火。到埗。

左手手扣被鬆開,隨即被扣在左邊的人的手腕上。下一秒右手手扣也被鬆開了,然後被命令:「喺左邊出去。」

兩個人手扣手下車走了一段路,來到一個地方便停下來。有門被打開的聲音。走進了一個甚麼的室內。聽到門在身後被關上。

左手手扣被打開,眼罩被除去。眼睛一時間未能適應室內的霓虹光,不得不瞇起來。

「你唔係話去廁所咩?」身邊的 T3CP9 經過有如綁架般的經歷後,完全沒有一絲恐懼,就像吃飯前要洗手般平常。

「試多幾次就慣架喇,」T3CP9 看穿了 74HKY 的疑惑,「大家講個信字,就好似我信你一樣,先會帶你入嚟。」

室內的霓虹燈不算強烈,74HKY 很快便適應了。眼前只有車上助手席的西裝友。

「請讓我先帶你去廁所,之後請享受我們為你準備嘅迎新禮。」

西裝友帶著二人,沿著黑暗的牆壁上一列列像火車的粉紅色光管前行。他們經過幾扇門。每扇門上有不同的圖案,門前總有一個帶著 Bauta 面具和穿西裝的。每個人帶的 Bauta 都不一樣,有鍍金的、七色的、純色的等等。每一個都向經過的他們輕輕點頭打招呼。

「門後面係乜?」74HKY 好奇地問。

「呢啲都係VIP房,我哋會喺房內提供特別服務。」西裝友解釋道。

「咩特別服務?」

西裝友陰深一笑,沒有回答。

來到廁所門口,這裡當然沒有守廁人,只有霓虹光管砌出的平常廁所男女圖案。74HKY 推門入去,牆上沒有看見尿兜,只有幾個向著同一個圓的中心的廁格。他急得沒有細想,進入了其中一個廁格。看見地上有一條凸起的石壆,上面有一條黃色的弧形光管。

那光管就像港鐵的黃線,示意他不要越過。

74HKY 拉開褲鏈,放鬆身體,尿液一泄如注。猛烈而漫長的排尿,全都「 淅瀝沙啦」湧進黃線後的黑洞。十多秒後,身體抖了一下,排尿完畢,廁間只有水聲在洞底掙扎,最後也被吸收得一滴不淨。

本以為廁所會歸於死寂,但 74HKY 隱約地聽到黑洞傳出微弱的咳嗽聲和嘔吐聲。他再豎耳細聽,卻再聽不到同樣的聲音。

出了廁所,西裝友問他是否舒服了不少。74HKY 點點頭,西裝友報以一個意味深長的微笑。

回到大堂,西裝友問:「今日 T3CP9 想玩啲乜?」

「我今日……」T3CP9 側頭想了一想,「就玩射擊喇。」

「咁等我聯絡相關嘅同事帶你去射擊場。」西裝友立刻拿出手電又按又滑。不消一會,一個戴著鑲滿紅色珠片面具的西裝友從漆黑中行出來。

「呢邊請。」紅色珠片面具往另一邊的黑暗伸出左手。

「麻煩哂。」T3CP9 往左手伸往的方向走去。

「願客人盡興而回。」西裝友四十五度鞠躬道。

「當然!」T3CP9 回頭往 74HKY 說,「你都要盡興呀,唔使擔心啲乜,今晚我請客,好好同我招呼大狀。」然後單一單眼就同紅色珠片面具消失漆黑之中。

「請跟我來,74HKY 先生。」西裝友禮拜地帶領 74HKY 往自己身後走。

「咩係射擊場?有咩嘢玩?」74HKY 一邊行一邊好奇的問。

「射擊場顧名思義玩射擊嘅地方,」西裝友解釋道,「簡單來講都係射下靶,但我哋唔用實彈,用嘅係比較安全嘅橡膠子彈、海綿彈同布袋彈。」

橡膠子彈?海綿彈?布袋彈?安全?都係射紙靶啫,應該唔會差得去邊。74HKY 心想,但沒有追問。因為西裝友已經停在一道門前,打開讓他進去。

他又驚又好奇,推開那半開的門,眼前又是一片漆黑。身後的門被關上。

「零節奏(Rhythm 0)。」漆黑中西裝友忽然在他身後慢慢地說出這三個字。每一個字的低昂和沉重有如木樁敲著古老的大銅鐘,不斷在房間回響,不斷在他心房內共鳴。

「當時藝術家自願被麻醉,自願將自己成為一件物件,任由參加者操控,」然後他眼前一盞射燈「 啪」亮起,有如太陽的灰黃色燈光照著他幾步之遙的一張滿佈刑具的桌子。皮鞭、木棍、利刀、鐵通、甚至手槍,應有盡有。「嗰時藝術家表明會負全部責任,參加者喺毫無後果之下,初時只係客氣咁用花掃佢身體下。時間久了,有啲參加者開始用刀割、用玫瑰嘅刺去拮,到最後拎起手槍。」

「藝術家到最後當然無死,畢竟參加者同藝術家無仇無怨,」西裝友頓了一頓,另一盞射燈從天花板射出燈光,照著角落的一樣物件,「但懷有仇恨嘅你呢一刻又會點選擇呢?」

74HKY 見到角落的物件,心臟鼓動得像火山爆發一樣,拳頭握得指甲也嵌入掌心,很想立刻拿起桌上某件刑具上前施暴。

「角落嘅物件當然唔好似藝術家咁自願。你做你想要做嘅嘢的話,當然會犯法,但犯法嘛……」西裝友嗤笑了一聲,「It’s not illegal if you aren’t caught。」

74HKY 望著桌子,猛然發現自己左腳踏前了一步。「邊個推我!?」他轉頭往後望。只有漆黑。但右腳已經隨著左腳向前。他回頭再向前望,發現桌子已經在他伸手可及之處。

「無論發生咩事,我哋都會幫你善後,呢個係俱樂部嘅宗旨。」遠處的西裝友聲音冷靜得恐怖,「Where there is no victim-plaintiff,there is no crime。」

不是犯法,沒有犯罪……

不是法,沒有罪……

不法,沒罪……

不罪……

74HKY 來到物件前面,手上拿著一枝金屬鐵通。可以見到被反手綁著的物件正在呼吸。是有生命的跡象。是活生生的物件。他的身體和心臟在抖顫。很利害的抖顫。帶著憤怒、猶豫、緊張,又有點興奮的抖顫。那正在搖動他意識內那道德之牆,那道已經搖搖欲墜、岌岌可危的道德之牆。

「諗下佢哋對你做過啲乜,或者會有啟示。」

西裝友這一句,勾起了 74HKY 過往幾個月嘅屈辱,點起了他沖天的怒火。道德之牆經不起火焰的猛烈,瞬間化為灰燼。

「仆你個死臭街!」鐵通猛然落下,打在物件時發出了一記低沉的悶聲。

「燒我辦事處?!」

「冧我祖墳?!」

「裝修我間餐廳?!」

「搞到我連博士都無!?」

每一句怒哮,鐵通都結結實實打在物件身上。

「我屌撚哂你班曱甴!」74HKY 盡他畢生最大嘅力量打在物件的頭上。本來的頭盔、眼罩和口罩立刻被打飛,血液有如瀑布般傾瀉下來。

眼罩下的物件原來是個頂多二十歲出頭的少女。一雙眼睛既帶著恐懼,卻又堅定不服輸地望著 74HKY。口罩下的小嘴被口枷堵塞,難怪被打得骨折肉腫、頭破血流也只能發出悶聲。

望著那一雙依然充滿希望的眼神,他無法理解為甚麼。究竟是甚麼驅使她、他及其他人們去不惜生命在這幾個月去冒險做這些事。為甚麼他只是叫手下去車站保衛自己家園,卻引起這些人的反感和報復。

當刻他知道,肉體上的痛苦不足以令她絕望。他把她拉到桌子去,粗暴地扯去她的衣服。剛熟的身體使他的下身愈來愈硬,最後硬得像鐵通一樣。他左右手各自拿著鐵通,準備搗碎少女內在的精神。

※※※※※※※※※※※※※※※※※※※※※※※※※※※※※※※※※※※

此時,西裝友正站在監控室內。所有發生的事情除了映在螢幕上,也記錄在硬盤內。

「做得好。」坐在西裝友身旁的一個戴著黑色皮革面具的女人道。

「多謝主人讚賞。」西裝友半躬身道。

「估唔到我叫啲人去扮示威者搞佢個辦事處同祖墳,佢就上哂腦。喺執開牛屎嘅地方住,就算係大狀都改唔到執牛屎嗰啲人嘅粗魯性格。」女人呷了一口放在左邊圓桌上的那杯紅酒。「相信佢以後都會好似之前嗰個律師咁聽聽話話。」

「俱樂部萬歲!」西裝友昂首道。

「歡迎來到俱樂部。」女人向螢幕內的 74HKY 舉杯,微笑地為他慶祝。

留言

此網誌的熱門文章

假如今天要自殺

假如今天要自殺,你會選擇用甚麼方法? 自殺的方法琳琅滿目,要選擇一種適合自己而成功率高的方法說易不易,說難不難。一枝筆,一盆水,足夠你把看起來堅強的生命結束;相反,有時一輛載著數噸貨物的十八輪貨車以高速撞過來,你才知道生命不是你所想的脆弱。 所以,要怎樣死也是一門學問。 有看過《完全自殺手冊》的讀者,相信不用再看此文,因為我也是參考該書而寫出的。 話在前頭,我並非想鼓勵別人去自殺,只是自己心情低落而想到寫這些東西。 畢竟,自殺在精神病學等同心搏停頓。 話入正題,自殺前,你有否想過用那種方法呢? 根據香港賽馬會的防止自殺中心所指,二零零二時最受歡迎的自殺方法是跳樓,佔了四十三點三百分比。其實在往年,跳樓是半數自殺者所採用的自殺方法。這個不難明白,香港地少,房屋多是高樓大廈,舊式房宇更加是開放式,只要跨過那大約一米多的圍欄,便可以傲翔天際,繼而與世長辭。可是,近年公屋居屋都採用了密封式設計,加上屋內的窗花,能跳下去的地方相信除了晾衣服的露台外,沒有甚麼地方可以能讓人穿過身體,融入廣闊的空間去。雖然如此,跳樓依然是一個佔盡地利的自殺方法,比起外國那些平房,即使從屋頂跳下去也可能只是擦破手腳來得痛快來得好。 剛才已說過,跳樓能在香港自殺界獨當一面,原因香港有太多太多高樓大廈。你根本不用準備甚麼便可以輕輕鬆鬆表現你在空中獨有而優美的舞姿。想要轟動,多準備一個小鐵鎚,跑上你喜歡而著名的高樓大廈高層,敲破其中一扇窗,從那裡跳下去便行。其實,在香港跳樓方便之餘,完成率亦高。香港貴為混凝土森林,無處不硬,不論你身體何處撞上去,只要有足夠高度,沒有理由不造成致命的傷害。 除了地利這優點外,不為人知的是原來跳樓死是不會痛的。根據《完全自殺手冊》內的跳樓生還者所說,跳下去是舒服的,著地是一點痛楚也沒有。原因雖然不明,但能推測到的。個人推測,感到舒服是因為體內的多巴胺做的好事。多巴胺(dopamine)是體內自然生產的神經傳遞素,是一種能給予人體快感的荷爾蒙。當你跳了下去,飛翔天際時,腦袋為了獎勵你這「正確的選擇」,分泌出多巴胺,使你有如在空中吸著可卡因一樣,身子漸漸的輕,輕得像飄在空氣中一樣。沒有痛楚的原因,個人推測會是,著地的一剎,痛神經的死亡比痛楚的傳遞還要快,沒有了傳送的管道,自然不會感到痛楚。當然,我並不是一個科學家,甚至醫生,真真假假有待讀者自己去研究,再告訴本

服部控與九連環

「陰唇穿環係咪就係臭雞?係咪就要被人標籤公廁?」 今朝一上討論區見到呢個標題,都咪話唔大吃一驚;直頭唔使用直覺,用個屎忽諗都知肯定大把花生食。 果然一撳入去,唔係「梗係臭雞」,就「梗係公廁」;當然唔少得「無圖無真相」,同「出嚟打番友誼波先講」。 本來我都想回一句「肉便器」,但係一諗到有咩理由穿耳環就俾人話靚話正,但穿乳環陰環就要被人話臭雞公廁肉便器?況且除咗某個甘願為佢張開雙腿嘅幸運兒外,仲會有邊個睇到? 再者,只要自己覺得靚,又唔係過份傷害到身體,或對其他人造成麻煩,其實我又覺得無乜所謂。 於是,喺私人信息覆咗佢一段話。 「你好,九連環,我喺討論區見到你講穿環嗰個討論。講真一睇嗰時,我都同眾多花生友嘅感覺一樣:要圖喇、公廁喇……(呢度講句對唔住先)。之但係諗深一層,你穿環應該因為自己覺得靚先穿,咁樣作為外人無資格講咩嘢,實在唔需要理會所有網友對你嘅標籤。況且穿環同係咪公廁無直接關係,你唔應該將兩者連埋一齊講,搞到自己唔開心。俾啲信心自己,覺得自己唔係就根本唔需要問。最後想講講,見到啲人穿完耳後撐大個窿搞到耳珠爛開,希望你睇住自己身體。」 然之後,撳咗「輸入」掣就送咗個私訊出去。 正想轉睇其他嘢時,有人傳咗個私人訊息俾我。 「唔……唔通係佢……?」 送出私訊時唔驚,反而依家開佢回覆時我竟然手震…… 「應該唔會破口大罵啩……」 撳入去睇佢寫咩先喇,有乜好驚? 「你講得好啱,我的確唔需要理會人哋點諗,自己嘅事自己應該最清楚。多謝哂,我舒服咗好多。」 都話無嘢喇,自己嚇自己。 「唔使客氣喇,你舒服就好。」我覆咗一句。 然後又有一條訊息。 「讀完你個訊息後,我有種親切嘅感覺;你好似係同類人咁,同我一樣有一個難以開口嘅秘密,甚至癖好,一個另類或特殊嘅癖好。」 呢一刻,我全身感到黎克特制九點九級地震,震央係我個心,震到電腦上嘅滑鼠指標不斷左右遊動。 呢個就係女人嘅第六感?定係我不自覺反映咗自己嘅感受? 於是,我轉頭往身後望一望,視線停喺一個特意加咗鎖嘅企身櫃。世界上,每個男人都有一個收集嘅慾望:郵票、模型、玩具等等;而呢個櫃就有我由大學開始儲嘅珍藏。 目光穿過唔透光嘅木門,我可以見到一套套整齊熨平嘅服裝。 無錯……我有戀服癖…… 企身櫃裡嘅服裝有校服、啦啦隊制服、法式女僕服,同護士服。除咗女僕服,其他全部都係有哂出處,例如某某學校、某隊啦啦隊或某間醫院。 所有服裝全部一式兩套,

文字宙的誕生

本來想借黛玉葬花嘅故事,叫呢度做「文字塚」;但係,細想之下,花會淍會謝,字唔會。或曰花能作春泥,然文字亦同。況且每一文一字,我都如栽花一樣,落過心機去諗去寫,無需因為題材另類少人睇而憂傷。 再者文字就似能量,係不滅。承上,花被消化後能夠成為養份,文字被消化後能啟發後人。唔係話我啲文有咁高能力(尤其題材比較露骨嗰批),但當聽我發噏,可能有得著。 玆因自身對天文有興趣,寫文有如創造自己嘅宇宙一般,乃取名為「宙」,希望讀者能感受字行間嘅美麗與黑暗。