六點四十五分。 火車站正等待更多上班通勤族出現，而我同樣地等待一個人出現。 時間尚早。我心諗，但老師唔出現，始終心有不安，怕佢突然改變主意。 將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。 一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。 「天崎超市每日新鮮出爐嘅麵包，讓你精神開始每一天～」 「阿爾卡週五限定椿子咖啡，誠意為你早上加倍能量！」 喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。 嗰支令心臟不為焦急，而是因為興奮、期待同緊張嘅邱比特之箭。 我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。 不過喺佢微笑向我打招呼時，明顯臉容帶倦，與裝束有明顯出入。 我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。 走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。 「咁少夠食？」佢將我揀嘅物品直接放上櫃台。 「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」 「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」 澀澤榮一只好乖乖返回銀包。 銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。 入咗閘，上樓梯到達月台，一列...
六點四十五分。
火車站正等待更多上班通勤族出現，而我同樣地等待一個人出現。
時間尚早。我心諗，但老師唔出現，始終心有不安，怕佢突然改變主意。
將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。
一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。
「天崎超市每日新鮮出爐嘅麵包，讓你精神開始每一天～」
「阿爾卡週五限定椿子咖啡，誠意為你早上加倍能量！」
喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。
嗰支令心臟不為焦急，而是因為興奮、期待同緊張嘅邱比特之箭。
我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。
不過喺佢微笑向我打招呼時，明顯臉容帶倦，與裝束有明顯出入。
我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。
走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。
「咁少夠食？」佢將我揀嘅物品直接放上櫃台。
「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」
「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」
澀澤榮一只好乖乖返回銀包。
銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。
入咗閘，上樓梯到達月台，一列車身以白色髹出山嘅形狀，分開天藍與地藍，去北部嘅特快列車已經靜靜等候我哋。工作日外遊嘅人唔多，車廂內嘅乘客寥寥可數。我哋搵到被指定嘅座位，將唔多嘅行李放喺頭頂上嘅行李架上，肩靠肩坐低。
火車喺七點半準時踏出第一步。本來只望住前面椅背嘅老師，目光移到緩慢而逐漸加速嘅窗外風景。
我一直望住佢若有所思嘅側臉，回想第二學期發生嘅事、同佢嘅連結，可惜喺呢一刻，繡線搵唔針孔，去唔到應該要去嘅地方，做唔到下一步要做嘅事。我以為會同老師有更進一步嘅關係，但依家連老師想唔想連繫都變成一個問題。
窗外建築物愈來愈少，老師除咗挪動因久坐而累嘅身體外，雙眼無離開過窗前。
佢嘅眼梢有否我嘅身影？
我唔敢問。
無耐，窗外一片漆黑，車廂燈光因進入隧道而被減弱及調成柔和。我稍為合上眼幾秒讓眼睛休息後，老師終於轉過頭，和我嘅目光接上。
「要食早餐嗎？」佢放低椅背嘅小餐桌，將便利店買嘅食物飲料通通擺上去。我點頭，接過牛角包，各自默默享用自己揀嘅早餐。我好快就食完，但依然有少少餓，開始後悔無買多個麵包嚟食嘅時候，老師遞咗半個飯團俾我。
「攞去。」
「真係唔駛……我唔係好餓。」
「老師話，攞去；」飯團移近我嘴邊，「定係你想我餵你？」
我無辦法拒絕，多謝後就攞咗嚟食。
火車駛出隧道，窗外風景由灰色嘅城市建築，換成深綠帶白嘅森林山嶽。每當經過積雪嘅農地或道路，反射出來嘅光線強烈得刺眼，我要用手擋住陽光慢慢適應；相反，老師早有預備，從口袋拎出墨鏡戴上，重新注視窗外。
靈魂之窗拉上窗簾，我再捉摸唔到老師嘅神情，一時間思緒漫無目的，胡亂喺車廂中遊離浪蕩。發覺呢班火車嘅乘客多數係以家庭為主。一對父母加上仔女，開開心心去家庭週末旅行。我回想到自己小學時，亦有幾次同爸媽去呢類旅行嘅時候。
嗰時我哋一家人同樣地坐火車，由佐津出發，去不同嘅縣市觀光。記憶中爸爸每次準備好卡牌或簡單桌上遊戲，以作消磨時間。有時我會帶一本短篇小說去讀，但佢從來唔會叫我拎學校嘅教科書或功課。
「去旅行唔應該做一啲再緊繃神經嘅事，心情能夠保持輕鬆就最好。」
那邊廂，媽媽會喺出發前一日，預先調理好食材，然後第二日清早起床煎炒煮炸，裝好三個午餐便當。一般我哋視乎目的地嘅距離，算好乘車時間，令媽媽嘅便當成為車程嘅壓軸出場。
所有行程基本上喺預計之內，即使有意外，爸媽亦會及時應對，我只要開心、高興同享受，順住佢哋嘅計劃就可以。
我回頭再次望向老師。佢依然注視窗外嘅雪景，玻璃反映佢有點憂愁嘅神緒。同時，我喺玻璃上望到自己。一副迷惘而無助嘅模樣。自從中三觀展後，我以為只要互相連結，就會到達一個心神合一嘅境界。可惜，原來只係我個人嘅幻想，甚至妄想，現實係即使雙方有心互連，經過嘅、到達嘅，大有機會係一團亂絮、一堆死結。
空虛及無力湧上心頭，我伸手想觸摸一啲令我安穩嘅嘢，但小餐桌上只有一個裝滿食物包裝嘅膠袋，我唯有將雙手交差放喺腋下，合上眼緊抱自己取暖。
「就快到站喇。」我不經不覺瞓咗一陣，聽到老師叫我起身，以為要落車，急忙企咗起身，卻因為火車依然高速行駛，一時企唔穩，頭撞到車頂上嘅嘅行李架。
「哎呀……」我坐返低，撳住撞親嘅額角。呢個時候老師轉頭過來，除低右手手套，伸出冰冷嘅手揉起我痛處。冷敷消退腫痛，右手逐漸和暖，一股溫柔穿過腦殼，刺激我左手迅速抓緊呢種感覺，唔俾佢無聲溜走。
老師稍為一怔，想退縮卻已經被我捉緊，只好放棄。我將佢手掌移到我面頰，為佢送上更多溫暖。墨鏡後隱約嘅眼影喺我臉上停留咗一陣，令我一時失神，大意下俾右手逃脫。老師再次轉頭，心神返回窗外嘅雪林。
之不過，佢將右手留喺椅間扶手上。我試探地觸碰。手無退回去嘅意願。我於是大膽咁將我左手放上去。陌生嘅環境，陌生嘅情節，左手覺得應該要做下一步，但唔知點樣開始。指尖只係胡亂喺手背嘅峰谷爬上爬落。終於惹來手背嘅煩躁，手腕一個翻轉，手指穿過指間，將我左手有如摔角比賽逆轉般緊緊扣著。
火車開始減速，我唔知距離到站嘅時間仲有幾耐，但日後回想呢段幾個鐘嘅車程，我只會記得呢幾分鐘。
「火車即將抵達雨見川站。」
老師鬆開右手，重新戴上手套，微微伸個懶腰。我喺見到月台嘅時候離開座位，從架上攞返行李。老師打開行李箱，拉出並着上之前我見過嘅大褸，及一條長長嘅棗紅色頸巾。
「你就只着咁多？」佢見我只有一件薄羽絨，驚訝咁問我。
「係呀，我估應該夠。」
老師搖一搖頭，無再多說話。我哋走到車門前，提示聲效響完後，車門「滋嚓」打開，一陣入骨嘅寒風刺過嚟，凍得我立刻縮起身體，「嘩」咗一聲。
我跳出車廂，跑咗十幾米，然後喺月台不斷原地踏步，以運動為自己加熱。剛踏入月台嘅老師，見到我好似滾油上嘅水珠跳上跳下，就話：「我先同你去買多件衫，再去旅館。」
儘管只有一剎那，我聽得出老師因為我嘅滑稽而偷笑，覺得自己凍到震都係值得。我跟住佢為我而行嘅急速腳步，行到喺火車站外嘅租車店。見老師無查過地圖，要麼對路線準備得妥妥當當，要麼唔係第一次嚟呢度。店內嘅空調令我和暖，身體唔再打冷震。
老師喺櫃台辦好手續，拎起店員俾佢嘅車匙，出咗外面嘅停車處。我喺店內見佢圍住架藍色嘅車仔細檢查，指出車上一啲刮痕及凹處，讓店員一一將佢哋記錄喺手中嘅文件上。老師足足轉咗三個圈先心滿意足，同店員行返入店內，喺文件上簽名同俾錢。
「可以起程。」
老師坐上駕駛座，而我喺猶豫後坐上副駕座。佢發動引擎，駛出租車店，無睇地圖揸咗幾分鐘就嚟到百貨公司。我哋行到男裝部，佢幫我揀咗一套搖粒絨運動內衣、一件防水擋風嘅外褸，同一條頸圈。
「呢啲嘢無理由要你俾錢。」我擋喺佢同收銀台之間，將一萬圓遞俾收銀員。
「俾完錢就入更衣室着起佢。」
我聽佢話，着好新買嘅保暖衣服離開百貨公司走到戶外。除咗冷風刮面時有啲唔乾燥，身體已經唔再覺得凍。
再次上車，再次發動引擎，今次老師揸咗一段時間，我估約莫一個小時，嚟到一個山上嘅旅館。泊好車後，我哋落車，喺玄關除鞋入旅館。老師辦好入住手續，身穿和服嘅接待員首先帶我哋出旅館主棟，去到附近別館。
睇起嚟比較新簇、只有一層嘅別館有五道木門。接待員拉開木門，我先知道原來係一間浴室。接待員帶我哋穿過細小嘅梳妝間，再打開一道磨砂玻璃門，自豪咁介紹門後嘅和式澡間及獨立溫泉。
「使用浴室前請攞起櫃台上嘅木牌，掛喺木門外嘅勾上，等其他旅客知道正在有人使用該浴室。」接待員同我哋回到主館，向我哋指示櫃台上放住五個木牌嘅木架。
我哋行入玄關左邊嘅走廊，喺左邊嘅第二房間停低。接待員打開門，簡單同我哋講房間裡有咩設施同用品、玄關另一邊嘅餐廳及聽日退房時間、附近嘅商店同景點，就交低鎖匙離開繼續自己嘅工作。
「你出一出房，我換件衫後到餐廳食午飯，然後出去走走。」
火車站正等待更多上班通勤族出現，而我同樣地等待一個人出現。
時間尚早。我心諗，但老師唔出現，始終心有不安，怕佢突然改變主意。
將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。
一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。
「天崎超市每日新鮮出爐嘅麵包，讓你精神開始每一天～」
「阿爾卡週五限定椿子咖啡，誠意為你早上加倍能量！」
喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。
嗰支令心臟不為焦急，而是因為興奮、期待同緊張嘅邱比特之箭。
我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。
不過喺佢微笑向我打招呼時，明顯臉容帶倦，與裝束有明顯出入。
我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。
走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。
「咁少夠食？」佢將我揀嘅物品直接放上櫃台。
「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」
「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」
澀澤榮一只好乖乖返回銀包。
銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。
入咗閘，上樓梯到達月台，一列車身以白色髹出山嘅形狀，分開天藍與地藍，去北部嘅特快列車已經靜靜等候我哋。工作日外遊嘅人唔多，車廂內嘅乘客寥寥可數。我哋搵到被指定嘅座位，將唔多嘅行李放喺頭頂上嘅行李架上，肩靠肩坐低。
火車喺七點半準時踏出第一步。本來只望住前面椅背嘅老師，目光移到緩慢而逐漸加速嘅窗外風景。
我一直望住佢若有所思嘅側臉，回想第二學期發生嘅事、同佢嘅連結，可惜喺呢一刻，繡線搵唔針孔，去唔到應該要去嘅地方，做唔到下一步要做嘅事。我以為會同老師有更進一步嘅關係，但依家連老師想唔想連繫都變成一個問題。
窗外建築物愈來愈少，老師除咗挪動因久坐而累嘅身體外，雙眼無離開過窗前。
佢嘅眼梢有否我嘅身影？
我唔敢問。
無耐，窗外一片漆黑，車廂燈光因進入隧道而被減弱及調成柔和。我稍為合上眼幾秒讓眼睛休息後，老師終於轉過頭，和我嘅目光接上。
「要食早餐嗎？」佢放低椅背嘅小餐桌，將便利店買嘅食物飲料通通擺上去。我點頭，接過牛角包，各自默默享用自己揀嘅早餐。我好快就食完，但依然有少少餓，開始後悔無買多個麵包嚟食嘅時候，老師遞咗半個飯團俾我。
「攞去。」
「真係唔駛……我唔係好餓。」
「老師話，攞去；」飯團移近我嘴邊，「定係你想我餵你？」
我無辦法拒絕，多謝後就攞咗嚟食。
火車駛出隧道，窗外風景由灰色嘅城市建築，換成深綠帶白嘅森林山嶽。每當經過積雪嘅農地或道路，反射出來嘅光線強烈得刺眼，我要用手擋住陽光慢慢適應；相反，老師早有預備，從口袋拎出墨鏡戴上，重新注視窗外。
靈魂之窗拉上窗簾，我再捉摸唔到老師嘅神情，一時間思緒漫無目的，胡亂喺車廂中遊離浪蕩。發覺呢班火車嘅乘客多數係以家庭為主。一對父母加上仔女，開開心心去家庭週末旅行。我回想到自己小學時，亦有幾次同爸媽去呢類旅行嘅時候。
嗰時我哋一家人同樣地坐火車，由佐津出發，去不同嘅縣市觀光。記憶中爸爸每次準備好卡牌或簡單桌上遊戲，以作消磨時間。有時我會帶一本短篇小說去讀，但佢從來唔會叫我拎學校嘅教科書或功課。
「去旅行唔應該做一啲再緊繃神經嘅事，心情能夠保持輕鬆就最好。」
那邊廂，媽媽會喺出發前一日，預先調理好食材，然後第二日清早起床煎炒煮炸，裝好三個午餐便當。一般我哋視乎目的地嘅距離，算好乘車時間，令媽媽嘅便當成為車程嘅壓軸出場。
所有行程基本上喺預計之內，即使有意外，爸媽亦會及時應對，我只要開心、高興同享受，順住佢哋嘅計劃就可以。
我回頭再次望向老師。佢依然注視窗外嘅雪景，玻璃反映佢有點憂愁嘅神緒。同時，我喺玻璃上望到自己。一副迷惘而無助嘅模樣。自從中三觀展後，我以為只要互相連結，就會到達一個心神合一嘅境界。可惜，原來只係我個人嘅幻想，甚至妄想，現實係即使雙方有心互連，經過嘅、到達嘅，大有機會係一團亂絮、一堆死結。
空虛及無力湧上心頭，我伸手想觸摸一啲令我安穩嘅嘢，但小餐桌上只有一個裝滿食物包裝嘅膠袋，我唯有將雙手交差放喺腋下，合上眼緊抱自己取暖。
「就快到站喇。」我不經不覺瞓咗一陣，聽到老師叫我起身，以為要落車，急忙企咗起身，卻因為火車依然高速行駛，一時企唔穩，頭撞到車頂上嘅嘅行李架。
「哎呀……」我坐返低，撳住撞親嘅額角。呢個時候老師轉頭過來，除低右手手套，伸出冰冷嘅手揉起我痛處。冷敷消退腫痛，右手逐漸和暖，一股溫柔穿過腦殼，刺激我左手迅速抓緊呢種感覺，唔俾佢無聲溜走。
老師稍為一怔，想退縮卻已經被我捉緊，只好放棄。我將佢手掌移到我面頰，為佢送上更多溫暖。墨鏡後隱約嘅眼影喺我臉上停留咗一陣，令我一時失神，大意下俾右手逃脫。老師再次轉頭，心神返回窗外嘅雪林。
之不過，佢將右手留喺椅間扶手上。我試探地觸碰。手無退回去嘅意願。我於是大膽咁將我左手放上去。陌生嘅環境，陌生嘅情節，左手覺得應該要做下一步，但唔知點樣開始。指尖只係胡亂喺手背嘅峰谷爬上爬落。終於惹來手背嘅煩躁，手腕一個翻轉，手指穿過指間，將我左手有如摔角比賽逆轉般緊緊扣著。
火車開始減速，我唔知距離到站嘅時間仲有幾耐，但日後回想呢段幾個鐘嘅車程，我只會記得呢幾分鐘。
「火車即將抵達雨見川站。」
老師鬆開右手，重新戴上手套，微微伸個懶腰。我喺見到月台嘅時候離開座位，從架上攞返行李。老師打開行李箱，拉出並着上之前我見過嘅大褸，及一條長長嘅棗紅色頸巾。
「你就只着咁多？」佢見我只有一件薄羽絨，驚訝咁問我。
「係呀，我估應該夠。」
老師搖一搖頭，無再多說話。我哋走到車門前，提示聲效響完後，車門「滋嚓」打開，一陣入骨嘅寒風刺過嚟，凍得我立刻縮起身體，「嘩」咗一聲。
我跳出車廂，跑咗十幾米，然後喺月台不斷原地踏步，以運動為自己加熱。剛踏入月台嘅老師，見到我好似滾油上嘅水珠跳上跳下，就話：「我先同你去買多件衫，再去旅館。」
儘管只有一剎那，我聽得出老師因為我嘅滑稽而偷笑，覺得自己凍到震都係值得。我跟住佢為我而行嘅急速腳步，行到喺火車站外嘅租車店。見老師無查過地圖，要麼對路線準備得妥妥當當，要麼唔係第一次嚟呢度。店內嘅空調令我和暖，身體唔再打冷震。
老師喺櫃台辦好手續，拎起店員俾佢嘅車匙，出咗外面嘅停車處。我喺店內見佢圍住架藍色嘅車仔細檢查，指出車上一啲刮痕及凹處，讓店員一一將佢哋記錄喺手中嘅文件上。老師足足轉咗三個圈先心滿意足，同店員行返入店內，喺文件上簽名同俾錢。
「可以起程。」
老師坐上駕駛座，而我喺猶豫後坐上副駕座。佢發動引擎，駛出租車店，無睇地圖揸咗幾分鐘就嚟到百貨公司。我哋行到男裝部，佢幫我揀咗一套搖粒絨運動內衣、一件防水擋風嘅外褸，同一條頸圈。
「呢啲嘢無理由要你俾錢。」我擋喺佢同收銀台之間，將一萬圓遞俾收銀員。
「俾完錢就入更衣室着起佢。」
我聽佢話，着好新買嘅保暖衣服離開百貨公司走到戶外。除咗冷風刮面時有啲唔乾燥，身體已經唔再覺得凍。
再次上車，再次發動引擎，今次老師揸咗一段時間，我估約莫一個小時，嚟到一個山上嘅旅館。泊好車後，我哋落車，喺玄關除鞋入旅館。老師辦好入住手續，身穿和服嘅接待員首先帶我哋出旅館主棟，去到附近別館。
睇起嚟比較新簇、只有一層嘅別館有五道木門。接待員拉開木門，我先知道原來係一間浴室。接待員帶我哋穿過細小嘅梳妝間，再打開一道磨砂玻璃門，自豪咁介紹門後嘅和式澡間及獨立溫泉。
「使用浴室前請攞起櫃台上嘅木牌，掛喺木門外嘅勾上，等其他旅客知道正在有人使用該浴室。」接待員同我哋回到主館，向我哋指示櫃台上放住五個木牌嘅木架。
我哋行入玄關左邊嘅走廊，喺左邊嘅第二房間停低。接待員打開門，簡單同我哋講房間裡有咩設施同用品、玄關另一邊嘅餐廳及聽日退房時間、附近嘅商店同景點，就交低鎖匙離開繼續自己嘅工作。
「你出一出房，我換件衫後到餐廳食午飯，然後出去走走。」
留言
發佈留言