文字宙的誕生

本來想借黛玉葬花嘅故事，叫呢度做「文字塚」；但係，細想之下，花會淍會謝，字唔會。或曰花能作春泥，然文字亦同。況且每一文一字，我都如栽花一樣，落過心機去諗去寫，無需因為題材另類少人睇而憂傷。

再者文字就似能量，係不滅。承上，花被消化後能夠成為養份，文字被消化後能啟發後人。唔係話我啲文有咁高能力（尤其題材比較露骨嗰批），但當聽我發噏，可能有得著。

玆因自身對天文有興趣，寫文有如創造自己嘅宇宙一般，乃取名為「宙」，希望讀者能感受字行間嘅美麗與黑暗。