六點四十五分。 火車站正等待更多上班通勤族出現，而我同樣地等待一個人出現。 時間尚早。我心諗，但老師唔出現，始終心有不安，怕佢突然改變主意。 將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。 一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。 「天崎超市每日新鮮出爐嘅麵包，讓你精神開始每一天～」 「阿爾卡週五限定椿子咖啡，誠意為你早上加倍能量！」 喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。 嗰支令心臟不為焦急，而是因為興奮、期待同緊張嘅邱比特之箭。 我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。 不過喺佢微笑向我打招呼時，明顯臉容帶倦，與裝束有明顯出入。 我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。 走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。 「咁少夠食？」佢將我揀嘅物品直接放上櫃台。 「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」 「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」 澀澤榮一只好乖乖返回銀包。 銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。 入咗閘，上樓梯到達月台，一列...
本身味覺比較遲鈍，所以呢個系列好多時都係借酒寫故，希望評酒專家或想睇酒評嘅讀者多多包涵。
雖然份工本身唔需要搞咩人際關係，但同事總會日日見到，同佢哋打好少少關係，返工都會舒服啲。所以，無論我幾唔想去、點樣避，被同事問多兩句都要俾面出席一啲同事聚餐。
有一次，我應約同幾個同事去蒲吧飲酒。嗰晚玩得好開心，被佢哋帶住我飲完一間又一間。當晚已婚女同事 L 建議下次再玩過，醺醺哋嘅我當然唔會說不。
好快，L 就約咗我同另一個女同事 Rebecca，加埋 L 老公一齊出去再飲過。點知當晚到咗見面地點，Rebecca 同我講 L 唔舒服唔嚟。我有啲唔知點算，畢竟同 Rebecca 唔算好熟，就咁兩個人去飲酒有啲突兀。
「今晚諗住點？」Rebecca 用佢搽咗豔紅色唇膏嘅嘴問我。
「唔知喎……」第一刻係想講番屋企，但出咗嚟無理由乜都唔做，「你話事喇。」
「不如去果邊間威士忌酒吧。」
「好啊。」
入咗酒吧，坐低寒喧咗兩句後，佢問我飲乜。我問佢有咩好介紹，佢就幫我叫咗杯酒。
我永遠記得個杯酒。入口溫柔如脂，到軟顎時泥煤味慢慢滲滿整個口腔，流入咽喉後泥煤味依然未散，繞樑三日。
我以前淨係識飲嘅 Johnnie Walker，入口辛辣而灼熱，對比呢杯容易入口之餘，濃郁而幼滑，又有泥煤味、麥芽味等嘅豐富層次，令我講咗句：
「呢杯係女人飲嘅威士忌。」
Rebecca 哂笑一聲，帶點輕蔑同生氣嘅笑。
佢同個酒保講：「佢話 Laphroaig 係女人嘅威士忌。」
酒保以同樣嘅笑容望住我講：「咁俾佢試下第二款囉。」
於是，第二杯送上。
今次嗰杯叫 Ardbeg，感覺似剛才 Laphroaig 嘅所有味道加重咗幾個幅度。泥煤味更重、麥味更濃、烈度更高，但入口無咁溫柔。
有比較，先知道自己鍾意啲乜。
「覺得點？」
「比較鍾意 Laphroaig。」
Rebecca 又笑咗一聲，彷彿係勝利嘅傲笑。
就係呢一晚，我愛上 Laphroaig。
幾星期後，我買咗支 Laphroaig Select Cask 來飲。
好想搵番嗰次同 Rebecca 飲嗰杯嘅感覺。
Select Cask 入口覺得木桶味較重，泥煤及甜味較輕。比起上次嗰杯，Select Cask 沒有發揮到 Laphroaig 自己嘅長處，比較無個性之餘又發揮唔出新嘅長處。
可能，飲酒係講天時地理人和。喺一間充滿抒情音樂及昏黃燈光嘅威士忌酒吧，同一個風情萬千嘅女人共飲，一定會好過自己一個喺白光燈下獨酌好好多。
又過多幾個月，喺網上見網友講起威士忌，又勾起我對 Laphroaig 嘅思念，結果托朋友喺機場買咗 Laphroaig Px Cask。
正值年初一團拜，當晚一開樽，久違了嘅標誌式泥煤味一湧入鼻。口感濃醇，雪莉桶嘅甜味同泥煤味相輔相承，配以些少嘅乾葡萄味點綴，令整體層次更豐富。
能夠喺農曆年嘅第一日飲到咁好嘅威士忌，算係一個好嘅開始；而 Laphroaig 亦成為我嘅第二最愛嘅酒廠。
咁第一最愛呢？
可能係嗰晚同 Rebecca 對飲後，佢邀請我上佢屋企，嗰支一直放咗喺佢床頭未開嘅酒。
雖然份工本身唔需要搞咩人際關係，但同事總會日日見到，同佢哋打好少少關係，返工都會舒服啲。所以，無論我幾唔想去、點樣避，被同事問多兩句都要俾面出席一啲同事聚餐。
有一次，我應約同幾個同事去蒲吧飲酒。嗰晚玩得好開心，被佢哋帶住我飲完一間又一間。當晚已婚女同事 L 建議下次再玩過，醺醺哋嘅我當然唔會說不。
好快，L 就約咗我同另一個女同事 Rebecca，加埋 L 老公一齊出去再飲過。點知當晚到咗見面地點，Rebecca 同我講 L 唔舒服唔嚟。我有啲唔知點算，畢竟同 Rebecca 唔算好熟，就咁兩個人去飲酒有啲突兀。
「今晚諗住點？」Rebecca 用佢搽咗豔紅色唇膏嘅嘴問我。
「唔知喎……」第一刻係想講番屋企，但出咗嚟無理由乜都唔做，「你話事喇。」
「不如去果邊間威士忌酒吧。」
「好啊。」
入咗酒吧，坐低寒喧咗兩句後，佢問我飲乜。我問佢有咩好介紹，佢就幫我叫咗杯酒。
我永遠記得個杯酒。入口溫柔如脂，到軟顎時泥煤味慢慢滲滿整個口腔，流入咽喉後泥煤味依然未散，繞樑三日。
我以前淨係識飲嘅 Johnnie Walker，入口辛辣而灼熱，對比呢杯容易入口之餘，濃郁而幼滑，又有泥煤味、麥芽味等嘅豐富層次，令我講咗句：
「呢杯係女人飲嘅威士忌。」
Rebecca 哂笑一聲，帶點輕蔑同生氣嘅笑。
佢同個酒保講：「佢話 Laphroaig 係女人嘅威士忌。」
酒保以同樣嘅笑容望住我講：「咁俾佢試下第二款囉。」
於是，第二杯送上。
今次嗰杯叫 Ardbeg，感覺似剛才 Laphroaig 嘅所有味道加重咗幾個幅度。泥煤味更重、麥味更濃、烈度更高，但入口無咁溫柔。
有比較，先知道自己鍾意啲乜。
「覺得點？」
「比較鍾意 Laphroaig。」
Rebecca 又笑咗一聲，彷彿係勝利嘅傲笑。
就係呢一晚，我愛上 Laphroaig。
幾星期後，我買咗支 Laphroaig Select Cask 來飲。
好想搵番嗰次同 Rebecca 飲嗰杯嘅感覺。
Select Cask 入口覺得木桶味較重，泥煤及甜味較輕。比起上次嗰杯，Select Cask 沒有發揮到 Laphroaig 自己嘅長處，比較無個性之餘又發揮唔出新嘅長處。
可能，飲酒係講天時地理人和。喺一間充滿抒情音樂及昏黃燈光嘅威士忌酒吧，同一個風情萬千嘅女人共飲，一定會好過自己一個喺白光燈下獨酌好好多。
又過多幾個月，喺網上見網友講起威士忌，又勾起我對 Laphroaig 嘅思念，結果托朋友喺機場買咗 Laphroaig Px Cask。
正值年初一團拜，當晚一開樽，久違了嘅標誌式泥煤味一湧入鼻。口感濃醇，雪莉桶嘅甜味同泥煤味相輔相承，配以些少嘅乾葡萄味點綴，令整體層次更豐富。
能夠喺農曆年嘅第一日飲到咁好嘅威士忌，算係一個好嘅開始；而 Laphroaig 亦成為我嘅第二最愛嘅酒廠。
咁第一最愛呢？
可能係嗰晚同 Rebecca 對飲後，佢邀請我上佢屋企，嗰支一直放咗喺佢床頭未開嘅酒。
留言
發佈留言