六點四十五分。 火車站正等待更多上班通勤族出現，而我同樣地等待一個人出現。 時間尚早。我心諗，但老師唔出現，始終心有不安，怕佢突然改變主意。 將近七點，趕返工嘅乘客愈嚟愈多，佢哋步伐急促，有如古戰場嘅亂箭喺面前左右飛過。一張張不時望起手錶嘅焦躁臉容，令我亦不自覺搓起雙手，右腳踏起快歌拍子。 一節短而悠揚嘅音樂響起，提醒火車站內眾人整點已到。接住一段早晨廣播，提示乘客保持秩序及小心財物，當然唔少得車站店舖趁機宣傳自家嘅商品及折扣優惠。 「天崎超市每日新鮮出爐嘅麵包，讓你精神開始每一天～」 「阿爾卡週五限定椿子咖啡，誠意為你早上加倍能量！」 喺腦內自製一陣咖啡香氣嘅時候，眾多與我不相干嘅亂箭之中，竟然有一支向我射過嚟。我立刻回過神，發現佢正係我等待嗰支箭。 嗰支令心臟不為焦急，而是因為興奮、期待同緊張嘅邱比特之箭。 我見過學校內戴上眼鏡時成熟穩重嘅佢、見過化上濃妝喺紅燈區流連嘅佢、見過自家內素顏隨便嘅佢；而今日我見到佢嘅第四面，一個化起淡妝嘅，著上鮮豔顏冬季運動裝嘅佢，予人一種活力充沛、準備冒險嘅印象。 不過喺佢微笑向我打招呼時，明顯臉容帶倦，與裝束有明顯出入。 我以揮手及「早晨」回應，喺未諗下一句前，佢遞上一張上面寫住去雨見川市嘅火車票，「仲有半個鐘，我哋去買啲早餐及飲品上車。」講完就轉身往附近嘅便利店走去。我快步跟上佢嘅背影時，可能被剛才嘅廣播影響，好想去拖起佢左手，拉到天崎超市嘅方向，買一個令佢精神飽滿嘅麵包，然後再去阿爾卡買杯椿子咖啡，幫佢掃走倦容。不過只有半個鐘時間，應該趕唔切，於是我按住自己嘅衝動，手到只伸出半吋就停低。 走入便利店後，老師手快咁將一個明太子飯團、一個燒鮭魚飯團，同一支紅茶放入購物籃，就去排隊俾錢。我要到差唔多輪到佢時，先揀好杏仁牛角包及一罐咖啡。 「咁少夠食？」佢將我揀嘅物品直接放上櫃台。 「夠食……」收銀員已經所有商品條碼掃完，膠盤正耐心等待一千三百八十日圓嘅來臨，「我嚟俾錢。」 「我講過所有費用都係我出。」佢喺我攞出萬元大鈔時，已經用信用卡俾好錢；「你收返埋啲錢。」 澀澤榮一只好乖乖返回銀包。 銀包返入褲袋前，佢已經攞起膠袋出咗便利店。「至少俾我拎住？」我伸手去攞個袋，無意間捉到佢隻手。嗰刻我有諗過縮，但從毛冷手套散出嘅涼意令我唔想鬆手。意外地，佢亦無意甩開我。就咁樣，我拖住佢揸住膠袋嘅手走到票閘前先分開。 入咗閘，上樓梯到達月台，一列...
「還錢呀冚家鏟！」
後面兩個手揸壘球棍嘅中年紋身漢，一邊追住我，一邊大叫。
佢哋追咗我幾條街，終於體力跟唔上，同我距離愈嚟愈遠。喺佢哋未轉入街口前，我見到不遠嘅唐樓大閘打開。一個睇嚟似係住客嘅中年男人走咗出嚟，無回頭就沿住行人道走去。我趁鐵閘未完全閂埋，快步踏出伸手抓住鐵手把，將鐵閘喺完全閂埋前重新打開，側身攝咗入唐樓。
我匿喺鐵閘後嘅死角，靜靜咁等佢哋。果然無耐佢哋喘晒氣咁喺鐵閘前跑過，我先開始鬆一口氣。之但係，呢度唔係一個安全嘅地方。萬一佢哋返轉頭，喺另一邊望入嚟，一定會見到我；就算佢哋唔返轉頭，住客喺上面落嚟見到我，一定會懷疑，到時唔係趕我出去就係報警，同樣麻煩。
於是，我決定行上天台，至少避多一兩個鐘先出返去。
我行過一排鏽啡多過青綠嘅鐵信箱、一束束積滿灰塵準備引發至少三級火警嘅電線，再上幾級樓梯，就見到一個已經禿頂、剩低兩邊稀毛嘅發福男人行落嚟。本來低頭睇手機嘅佢，聽到我嘅腳步聲，緩緩抬起頭望向我。
「你好生面口，去幾樓架？」
「我搵七樓姓黃嘅。」我用剛才喺信箱擸眼睇到嘅信，若無其事咁講咗個大話。
「哦……近排好多人入嚟呢區，話乜乜文化深度遊，湧入嚟要上天台影相，嘈住晒又整污糟啲地方，所以多口問句。」
「唔緊要，明嘅明嘅。」
「連基本常識都無，搞乜鬼文化深度遊。」佢自言自怨喺我身邊行過。
當佢從我視線離開，我放低掛起臉上嘅微笑，行上一條鋪上碧綠紙皮石嘅螺旋樓梯。一邊行上天台，腦內記起阿爸不時播一首叫《通往天堂的階梯》嘅英文舊歌，情景會唔會就好似我依家咁？
我嘗試記起首歌嘅旋律，可惜記唔起任何一句歌詞、一個音符。好想問阿爸呢首歌係點，但我無提早止蝕離場、仲以為翻到身借咗街數搏一鋪，結果阿爸間舖被人淋咗紅油，門口貼晒街招，依家我已經無面返屋企，更唔駛講靜靜坐低同佢聽歌講音樂。
腳步隨住樓梯螺旋向上，我心情反而愈嚟愈低落。牆上嘅樓層黑色數字，前面好似有個其他人睇唔到負數符號一樣。
行到天台門前，嘗試輕輕一拉，無上鎖，我就入咗去。第一眼就係棗紅色石磚地板，而上面有一張短腳咖啡檯及幾個正方坐墊。家具後面排咗一列木架，倚住矮牆喺左上角轉彎伸延到門嘅左邊。架上面放滿打理嘅盆裁，及一啲新世紀靈性擺設。應該係某幾個住客打造嘅偷閒站，微弱嘅蠟燭香味甚至可以令我想像到佢哋夜晚冥想嘅情景。
行出門轉右有一個小型電燒烤爐、一張圓型白色戶外用膠檯，同一棟疊起嘅同款白色戶外用膠凳。作為舊式唐樓天台，即使係搞飲食嘅地方，都打理得乾乾淨淨、井井有條，可以話絕無僅有，難怪剛才嘅男人會咁緊張。
天台睇落以直角閂括號（】）為形，於是喺燒烤場直望，就見到天台嘅右下角，再行多少少就到樓梯門房嘅後面——天台嘅左下角，呢度最隱蔽嘅地方，亦係最啱我匿埋嘅地方。
不過我未行到嗰度，已經隱約聽到一啲雜聲；係零碎嘅腳步聲同快門開關聲。正當我轉頭望向左下角時，見到一個女仔坐喺矮牆上。佢右手擺出唔同手勢，配合臉上唔同表情，左手不斷撳住手機相機快門自拍。
我唔想打擾佢，只係靜靜咁睇。
女仔影咗唔少相後，專注地喺手機上掃滑。無耐兩隻姆指喺兩邊高速移動，似係打緊字。然後，佢轉個身，背向天台，雙腳喺八樓嘅空氣中懸空。
乍見淑女將墮於巷，皆有怵惕惻隱之心；我下意識大叫：「小姐！咩事都好，唔好跳落去！」
女仔嚇咗一驚，轉頭望向我大叫：「你喺邊個？唔好埋嚟！」
「我……我只係咁啱探完朋友，好奇天台係咩樣所以上嚟望下。」
「你望完啦！可以落返去！唔好理我！」
「小姐……你咁危險，點可以唔理你？不如落返嚟先？」
「我唔落！」
「不如我幫你打俾朋友或家人，叫佢哋幫你？」
「佢哋唔會再理我……」女仔忽然大聲喊，「你睇你呢個人……頭先又話唔可以唔理我，咁快就想將我拋俾其他人……既然我無人無物，不如死咗算……」
我諗到自己，我何嘗又唔係無人無物？不如死咗算？
「你仲企喺度做咩？走啦！」
「我想留低陪你。」
女仔聽完後，一副估唔到嘅表情，反應唔切咁答：「咁……咁你坐落嚟……坐喺……我旁邊……」
我無諗太多，踏出第一步行過去，但我唔想刺激佢，所以行得好慢，並喺大家伸手都掂唔到嘅距離就停低。
「你… …你又話陪我？坐過嚟啦… …」佢戰戰兢兢咁挑釁我。
「只要你唔介意，同應承唔跳落去嘅話，我就過嚟陪你坐。」
佢望住我無出聲，我就話：「你唔出聲就當你應承咗。」
於是我行到佢身邊，坐喺矮牆上，一轉個身就同佢並肩而坐。抬頭見天空滿滿白雲，每一朵都炫耀自己嘅自由，誘導我變成天使飛翔；低頭卻見無人打理嘅後巷，地心吸力同污水惡臭有如觸手般拉我入地獄。
我雙手反射地抓實矮牆，卻不經意碰到佢抖震嘅手指。
「震得咁厲害，不如陪你落返天台先？」
「你話過要陪我。」佢忽然勾住我手臂講。
有我做依靠嘅佢好似無咁驚，身體無震得咁犀利，於是大膽問佢：「點解會想跳樓？」
女仔躊躇咗一陣，無開到口。
「我只係覺得你講出咗嚟，可能會舒服啲。」
「失戀。」佢講得好細聲，但我都係聽到。
我心裡苦笑一下，心諗失戀之嘛，比起爭人一身街數，小事啦… …
「你係咪笑緊我？」女仔鬆開勾住我嘅手臂。
「知唔知以前啲人想講心事會點做？」
「無端端做咩咁問？」
「阿爸話以前機場喺嗰度；」我指向遠處嘅一堆豪宅，「嗰時飛機起飛降落時都會經過呢區嘅天台。飛機飛過嗰刻個引擎聲會好嘈，嘈到乜嘢都聽唔到。佢哋嗰代人就會喺到大叫，將自己唔開心嘅嘢嗌晒出嚟，心情就會好啲，自自然就唔會想做傻事。」
「我先唔信呢啲嘢。」
「或者只係我哋未試過。」
「機場拆咗廿幾年，點會再有飛機經過？」
我喺衫袋入面攞出對藍芽抗嘈入耳式耳機，俾咗一隻佢放入耳，自己戴上另一隻，掃開手機，上網搵到當年喺呢區嘅現場錄音，校大聲播出嚟聽。
鐵翼劃破空氣嘅長嘯、引擎螺旋嘅低號、街道零碎嘅路人談話、馬路上汽車嘅響按，時間就好似返到九十年代。我見到唔同嘅飛機喺我頭頂飛過，白身綠尾、藍身白尾、灰身藍尾……數唔清嘅飛機，上上落落，升升降降，奏出一段交響樂曲。
我又諗起阿爸；佢叫我唔好俾勝利沖昏頭腦、唔好愈玩愈大，應該用賺返嚟嘅錢買層樓收租。當時我笑佢保守，難怪佢只係得間舖仔賣海味。
喺我記返起嗰啲加密幣冧到得返十分一嘅時候，個女仔忽然大嗌。
「呀呀呀！徐沁豪你去仆街啦！」嗌完後佢一臉眼淚鼻涕，用衫袖抹咗好耐先抹完，講咗「多謝你」就轉身行返落天台。
得返自己一個人坐喺牆上，先醒起自己其實俾人追緊數，唔知嗰兩個紋身佬會唔會聽到，發現我喺度。我再望落八樓下面嘅後巷，一剎那覺得咩嘢都無所謂；佢哋追唔追上嚟，我都無地方可以去。呢度係唯一嘅出口。
至少喺我吸最後一口氣前，誤打誤撞勸咗女仔落返天台，算做咗件好事。
正當身體準備向前傾時，有人喺後面拉住我手臂。
「飛機同人生一樣有上有落，唔好再坐喺度嘞……不如陪我一齊行返落樓先啦？」
後面兩個手揸壘球棍嘅中年紋身漢，一邊追住我，一邊大叫。
佢哋追咗我幾條街，終於體力跟唔上，同我距離愈嚟愈遠。喺佢哋未轉入街口前，我見到不遠嘅唐樓大閘打開。一個睇嚟似係住客嘅中年男人走咗出嚟，無回頭就沿住行人道走去。我趁鐵閘未完全閂埋，快步踏出伸手抓住鐵手把，將鐵閘喺完全閂埋前重新打開，側身攝咗入唐樓。
我匿喺鐵閘後嘅死角，靜靜咁等佢哋。果然無耐佢哋喘晒氣咁喺鐵閘前跑過，我先開始鬆一口氣。之但係，呢度唔係一個安全嘅地方。萬一佢哋返轉頭，喺另一邊望入嚟，一定會見到我；就算佢哋唔返轉頭，住客喺上面落嚟見到我，一定會懷疑，到時唔係趕我出去就係報警，同樣麻煩。
於是，我決定行上天台，至少避多一兩個鐘先出返去。
我行過一排鏽啡多過青綠嘅鐵信箱、一束束積滿灰塵準備引發至少三級火警嘅電線，再上幾級樓梯，就見到一個已經禿頂、剩低兩邊稀毛嘅發福男人行落嚟。本來低頭睇手機嘅佢，聽到我嘅腳步聲，緩緩抬起頭望向我。
「你好生面口，去幾樓架？」
「我搵七樓姓黃嘅。」我用剛才喺信箱擸眼睇到嘅信，若無其事咁講咗個大話。
「哦……近排好多人入嚟呢區，話乜乜文化深度遊，湧入嚟要上天台影相，嘈住晒又整污糟啲地方，所以多口問句。」
「唔緊要，明嘅明嘅。」
「連基本常識都無，搞乜鬼文化深度遊。」佢自言自怨喺我身邊行過。
當佢從我視線離開，我放低掛起臉上嘅微笑，行上一條鋪上碧綠紙皮石嘅螺旋樓梯。一邊行上天台，腦內記起阿爸不時播一首叫《通往天堂的階梯》嘅英文舊歌，情景會唔會就好似我依家咁？
我嘗試記起首歌嘅旋律，可惜記唔起任何一句歌詞、一個音符。好想問阿爸呢首歌係點，但我無提早止蝕離場、仲以為翻到身借咗街數搏一鋪，結果阿爸間舖被人淋咗紅油，門口貼晒街招，依家我已經無面返屋企，更唔駛講靜靜坐低同佢聽歌講音樂。
腳步隨住樓梯螺旋向上，我心情反而愈嚟愈低落。牆上嘅樓層黑色數字，前面好似有個其他人睇唔到負數符號一樣。
行到天台門前，嘗試輕輕一拉，無上鎖，我就入咗去。第一眼就係棗紅色石磚地板，而上面有一張短腳咖啡檯及幾個正方坐墊。家具後面排咗一列木架，倚住矮牆喺左上角轉彎伸延到門嘅左邊。架上面放滿打理嘅盆裁，及一啲新世紀靈性擺設。應該係某幾個住客打造嘅偷閒站，微弱嘅蠟燭香味甚至可以令我想像到佢哋夜晚冥想嘅情景。
行出門轉右有一個小型電燒烤爐、一張圓型白色戶外用膠檯，同一棟疊起嘅同款白色戶外用膠凳。作為舊式唐樓天台，即使係搞飲食嘅地方，都打理得乾乾淨淨、井井有條，可以話絕無僅有，難怪剛才嘅男人會咁緊張。
天台睇落以直角閂括號（】）為形，於是喺燒烤場直望，就見到天台嘅右下角，再行多少少就到樓梯門房嘅後面——天台嘅左下角，呢度最隱蔽嘅地方，亦係最啱我匿埋嘅地方。
不過我未行到嗰度，已經隱約聽到一啲雜聲；係零碎嘅腳步聲同快門開關聲。正當我轉頭望向左下角時，見到一個女仔坐喺矮牆上。佢右手擺出唔同手勢，配合臉上唔同表情，左手不斷撳住手機相機快門自拍。
我唔想打擾佢，只係靜靜咁睇。
女仔影咗唔少相後，專注地喺手機上掃滑。無耐兩隻姆指喺兩邊高速移動，似係打緊字。然後，佢轉個身，背向天台，雙腳喺八樓嘅空氣中懸空。
乍見淑女將墮於巷，皆有怵惕惻隱之心；我下意識大叫：「小姐！咩事都好，唔好跳落去！」
女仔嚇咗一驚，轉頭望向我大叫：「你喺邊個？唔好埋嚟！」
「我……我只係咁啱探完朋友，好奇天台係咩樣所以上嚟望下。」
「你望完啦！可以落返去！唔好理我！」
「小姐……你咁危險，點可以唔理你？不如落返嚟先？」
「我唔落！」
「不如我幫你打俾朋友或家人，叫佢哋幫你？」
「佢哋唔會再理我……」女仔忽然大聲喊，「你睇你呢個人……頭先又話唔可以唔理我，咁快就想將我拋俾其他人……既然我無人無物，不如死咗算……」
我諗到自己，我何嘗又唔係無人無物？不如死咗算？
「你仲企喺度做咩？走啦！」
「我想留低陪你。」
女仔聽完後，一副估唔到嘅表情，反應唔切咁答：「咁……咁你坐落嚟……坐喺……我旁邊……」
我無諗太多，踏出第一步行過去，但我唔想刺激佢，所以行得好慢，並喺大家伸手都掂唔到嘅距離就停低。
「你… …你又話陪我？坐過嚟啦… …」佢戰戰兢兢咁挑釁我。
「只要你唔介意，同應承唔跳落去嘅話，我就過嚟陪你坐。」
佢望住我無出聲，我就話：「你唔出聲就當你應承咗。」
於是我行到佢身邊，坐喺矮牆上，一轉個身就同佢並肩而坐。抬頭見天空滿滿白雲，每一朵都炫耀自己嘅自由，誘導我變成天使飛翔；低頭卻見無人打理嘅後巷，地心吸力同污水惡臭有如觸手般拉我入地獄。
我雙手反射地抓實矮牆，卻不經意碰到佢抖震嘅手指。
「震得咁厲害，不如陪你落返天台先？」
「你話過要陪我。」佢忽然勾住我手臂講。
有我做依靠嘅佢好似無咁驚，身體無震得咁犀利，於是大膽問佢：「點解會想跳樓？」
女仔躊躇咗一陣，無開到口。
「我只係覺得你講出咗嚟，可能會舒服啲。」
「失戀。」佢講得好細聲，但我都係聽到。
我心裡苦笑一下，心諗失戀之嘛，比起爭人一身街數，小事啦… …
「你係咪笑緊我？」女仔鬆開勾住我嘅手臂。
「知唔知以前啲人想講心事會點做？」
「無端端做咩咁問？」
「阿爸話以前機場喺嗰度；」我指向遠處嘅一堆豪宅，「嗰時飛機起飛降落時都會經過呢區嘅天台。飛機飛過嗰刻個引擎聲會好嘈，嘈到乜嘢都聽唔到。佢哋嗰代人就會喺到大叫，將自己唔開心嘅嘢嗌晒出嚟，心情就會好啲，自自然就唔會想做傻事。」
「我先唔信呢啲嘢。」
「或者只係我哋未試過。」
「機場拆咗廿幾年，點會再有飛機經過？」
我喺衫袋入面攞出對藍芽抗嘈入耳式耳機，俾咗一隻佢放入耳，自己戴上另一隻，掃開手機，上網搵到當年喺呢區嘅現場錄音，校大聲播出嚟聽。
鐵翼劃破空氣嘅長嘯、引擎螺旋嘅低號、街道零碎嘅路人談話、馬路上汽車嘅響按，時間就好似返到九十年代。我見到唔同嘅飛機喺我頭頂飛過，白身綠尾、藍身白尾、灰身藍尾……數唔清嘅飛機，上上落落，升升降降，奏出一段交響樂曲。
我又諗起阿爸；佢叫我唔好俾勝利沖昏頭腦、唔好愈玩愈大，應該用賺返嚟嘅錢買層樓收租。當時我笑佢保守，難怪佢只係得間舖仔賣海味。
喺我記返起嗰啲加密幣冧到得返十分一嘅時候，個女仔忽然大嗌。
「呀呀呀！徐沁豪你去仆街啦！」嗌完後佢一臉眼淚鼻涕，用衫袖抹咗好耐先抹完，講咗「多謝你」就轉身行返落天台。
得返自己一個人坐喺牆上，先醒起自己其實俾人追緊數，唔知嗰兩個紋身佬會唔會聽到，發現我喺度。我再望落八樓下面嘅後巷，一剎那覺得咩嘢都無所謂；佢哋追唔追上嚟，我都無地方可以去。呢度係唯一嘅出口。
至少喺我吸最後一口氣前，誤打誤撞勸咗女仔落返天台，算做咗件好事。
正當身體準備向前傾時，有人喺後面拉住我手臂。
「飛機同人生一樣有上有落，唔好再坐喺度嘞……不如陪我一齊行返落樓先啦？」
留言
發佈留言