一日有廿四小時，扣除必要瞓覺嘅八個鐘、進餐及二便大約兩個鐘，仲有十四個鐘；再者與父母同住，煮飯打掃等家務都唔太需要我去做，呢十四個鐘可以話係完全由我控制同選擇點樣過。我可以出街玩、或者睇書學習進修備課、去組紐工房幫手、甚至到繩藝廳練習。然而，喺今日——寒假嘅第一日，我花咗所有嘅時間，好似非洲大草原中嘅水牛，警戒著眼前不動卻虎視眈眈望住我嘅手機。 「等我聯絡你。」 記起琴日離開輔導室之前，老師喺我手機內嘅通訊軟體，加入咗自己嘅帳號，並將佢成為密友清單中嘅唯一成員。 「我需要好好諗下點樣輔導你呢個壞學生。」佢無等我反應，就大步走返去教員室，留低一片茫然嘅我。 究竟咁樣係咩意思？我一直諗唔透。我唔會否認妄想過自己好似電影情節般喺度被佢引誘，但實在諗唔到一個合理嘅原因令佢選擇我，而唔去「安全」、「正常」咁搵其他男人去滿足佢嘅需要。 如果呢一刻手機螢幕真係顯示佢嘅訊息，我應該理會，定係當睇唔到？ 「你成日心不在焉，隔無耐就望手機，無事嘛？」媽媽喺晚飯時問我。 「無……」我將炸雞吞落肚後講，「有個朋友話寒假約我去玩，有少少緊張。」 「女仔嚟嘅？」爸爸呵呵笑住話。 「唔……唔係……」我差啲哽親，「係一……一大班人去玩……卦……」 「即係有男有女？」爸爸繼續追擊，「有無心儀嘅同學？」 「爸爸唔好再玩阿仔啦……」媽媽插嘴後同我講，「你第一次同新朋友去玩係會緊張啲，要放鬆先唔會影響心情。」 「係……知道。」 我心裡苦笑，食完飯幫忙收拾後返入房。 手提電話熒幕閃咗一下。 怦噗、怦噗、怦噗。 睡房只聽到心跳聲。 我稍稍平復，戰戰兢兢拎起手提。 「盛屋市天氣預報：明天密雲……」 「蠢材！」我暗自大罵一聲，將手提丟到床上。 然後手提電話好似烏鴉咁回應咗一聲，我心煩得怨咗句：「又咩事！？」 再次拎起電話一睇，短訊欄上顯示咗一句。 「寒假第一日過成點？」 我唔知應該點覆佢，諗嚟諗去只識得回「還可以」。 「講大話嘅學生需要輔導。」 我心頭一震，唔知點答佢。 沉默咗幾分鐘，手機傳來一句。 「星期二準備好，放學後嚟見我。」 「我唔明。」 「你點會唔明？」下一秒，程式顯示佢已離線。 手機無再俾提示。我瞓喺床上，問天花板應該點做，佢同手機一樣無頭緒。 兩日時間嘅思前想後，我發覺諗多無用，或者邊度結束，就由邊度開始。 星期二下年四點，我著返同嗰日相同嘅衣服款式，揹上同樣嘅背囊，帶上當日老匠人送我嘅初雪祭限定麻...
「嘟！」「嚓！」
一入健身室已經聽到跑步機滾輪「轟隆轟隆」轉動。今日星期三，依家係午飯時間，呢度係私人會所內嘅健身室，綜合嚟講應該無乜人會嚟做運動，我實在好奇會有咩人好似我咁無聊。
行入少少，見到一個將黑色長髮夾起，著住黑色緊身運動衣，配上黑色瑜伽褲嘅女仔跑緊步。緊身嘅衣服唔止令佢嘅運動內衣現形，亦將佢結實嘅曲線描繪出嚟。
我提醒自己唔好將目光停留，免得被睇成無禮貌、或者女性主義者掛喺口邊嘅男性凝視、甚至視姦。既然平時用嚟熱身嘅跑步機已經有人用緊，我就靜靜地行去踩單車機度。
不過，我都係忍唔住好奇心，轉身時偷望佢咗一眼。
白皙豔紅或許化妝嘅原故；瑞鳳眼上整齊嘅眉毛看似畫過；然而有幾多女性會喺健身前化妝？
目光離開嘅一剎，彼此嘅眼角好似互相接觸到。
我裝作平常，騎上單車機，踩起踏板開始運動。望住電子熒幕上嘅虛擬風景，腦內卻諗住剛才一剎眼神接觸。咁短嘅時間，佢應該為意唔到？就算為意到，都應該唔會亂諗嘢啩？但係依家女性主義聲勢浩大，佢會唔會就因為呢一剎，喺網上開始留言責罵我？咁佢會唔會已經影低咗我，腦內已經準備好千字文，一返到屋企就滔滔不絕咁敲起鍵盤？
忽然聽到跑步機狂吼，我反射地望過去。激烈轉動嘅滾帶、地震般搖晃嘅熒幕，急促而用力嘅步伐，掛喺旁邊嘅運動上衣，只係著住運動胸圍嘅佢。
女性主義為咗隻貓殺死我嘅好奇心，於是我結束熱身，走去一部見唔到佢嘅機器做胸肌訓練。我將重量校到四十公斤，一個平時我推嘅重量，但推咗幾下，我竟然感到非常吃力。
係熱身不足嘅關係？我休息幾秒再推多下，依然比平時吃力。我試著集中精神，但跑步機嘅狂號不停鑽開腦袋，開咗個大窿俾佢跑咗入嚟。
你唔係喺跑步機跑緊咩？點解會跑咗入嚟？你繼續跑啦，做咩喺我腦入面原地跑？你再唔走，我就… …我就… …
然後跑步機嘅聲音停咗，佢喺我未做出任何行動前，從我腦袋逃跑掉。我亦趁機集中精神用力推咗一下，先發覺滿身香汗，以運動上衣遮胸嘅佢係我前面行過，離開咗健身房。
本來想再推多一下，但佢嘅汗珠被燈光蒸發，喺眼前凝聚成霧，無法繼續集中鍛練之餘，其實所有嘅體力已經喺胡思亂想時用盡。
「睇嚟今日都係無態… …去隔籬焗埋個桑拿就走啦… …」
「嘟！」「嚓！」
※
「嘟！」「嚓！」
呢個時候竟然有人入嚟健身？我已經揀個無乜人嘅時間，費事被人有心或無意咁望過嚟。算嘞……唔好理邊個，我自己專心跑步就得。
之不過，望一眼都無所謂啩？至少知道咩人同我一齊喺度做運動。
於是，我稍稍向微弱嘅腳步聲睄去。眼角正好同佢嘅眼角對上十分之一秒。
佢咁啱都望過嚟？定係望下係咪有人跑緊步？抑或其實已經望咗一段時間，意識到我望過去就立刻轉頭去望單車機？都同自己講同班姊妹去遠少少嘅女性限定健身室，唔使驚自己好似幅畫咁俾人望左望右……
諗起班姊妹，無佢哋呢幾年喺情傷後陪我，可能我生活已經變得一塌糊塗，甚至自殺死咗。當年佢哋話現代女性唔駛有男人，又套天海祐希句「男人會背叛你，但肌肉唔會」，的確令我下定決心做好自己、鍛練自己，令自己身心健康。
依家我工作穩定、線條健美、財務獨立，算係自由自在，但總係覺得差啲嘢。姊妹當中有一個女同性戀者，對我特別熱心，又不時約我出街食飯。明眼人都知佢追我，不過我就係無呢方面嘅意思。
其實我知道，我依然係一個異性戀嘅女性，好想有個男人陪我、錫我。佢當然要有啲基本條件，例如人工、興趣相若，老老實實，唔太醜樣同身形唔走樣等。
你話當有日我返到屋企，見到心愛嘅男人認真做佢嘅嘢，不論係煮飯，畫畫、或者工作，而我就喺對面，靜靜地望住佢，好似欣賞一件藝術品咁，呢一個畫面就好似愛情文藝電影中嘅一幕，係咪好靚先？
等等……我依家係獨立女性，唔可以俾呢種未成熟嘅幻想再次佔據我思維。我當下撳加速掣，滾帶轉得愈嚟愈快，步伐亦隨住加快。流嘅汗愈嚟愈多，身體愈嚟愈熱，我拉低拉鏈，除咗件上衫掛喺側邊，用力追趕眼前嘅電子熒幕。
無錯！我已經唔係當時無知嘅少女，你睇我依家跑得幾快？男人同熊人都追我唔到，你呢啲幼稚幻想又點會追到我！
忽然，我感到單車機射出兩道目光，但好快消失咗。我踏出滾帶，喺滾帶兩邊企定，轉頭向單車機確認，卻已是人去車空。唔通頭先個男人見我只有運動胸圍而望過嚟？定因為擔心我，所以望過嚟？但點解望完走咗去？
我好奇咁伸個頭出去望，見佢喺度做胸肌訓練，但推得好辛苦。可能佢係初學健身？但佢身型又唔似初學者……難道見到我只係著住運動胸圍，露出少少乳溝，怕醜得走咗去，連平時嘅重量都推唔到？咁樣嘅話佢又幾可愛喎……
我決定熄咗部跑步機，行過去睇真啲佢個樣。愈行愈近，佢個樣愈清楚，睇落尚算四正，而且嚟得呢個會所，應該人工有咁上下。見佢集中精神咁鍛練胸肌，雖然唔係好舉到，但認真做事嘅男人總散發一種魅力。
嘴角不自禁揚起，我立刻用運動上衣遮住自己嘅癡態，免得成為佢今晚幻想嘅對象。
「或者我應該有禮貌點頭打個招呼……算嘞……都行到門口，出去焗個桑拿啦… …」
「嘟！」「嚓！」
一入健身室已經聽到跑步機滾輪「轟隆轟隆」轉動。今日星期三，依家係午飯時間，呢度係私人會所內嘅健身室，綜合嚟講應該無乜人會嚟做運動，我實在好奇會有咩人好似我咁無聊。
行入少少，見到一個將黑色長髮夾起，著住黑色緊身運動衣，配上黑色瑜伽褲嘅女仔跑緊步。緊身嘅衣服唔止令佢嘅運動內衣現形，亦將佢結實嘅曲線描繪出嚟。
我提醒自己唔好將目光停留，免得被睇成無禮貌、或者女性主義者掛喺口邊嘅男性凝視、甚至視姦。既然平時用嚟熱身嘅跑步機已經有人用緊，我就靜靜地行去踩單車機度。
不過，我都係忍唔住好奇心，轉身時偷望佢咗一眼。
白皙豔紅或許化妝嘅原故；瑞鳳眼上整齊嘅眉毛看似畫過；然而有幾多女性會喺健身前化妝？
目光離開嘅一剎，彼此嘅眼角好似互相接觸到。
我裝作平常，騎上單車機，踩起踏板開始運動。望住電子熒幕上嘅虛擬風景，腦內卻諗住剛才一剎眼神接觸。咁短嘅時間，佢應該為意唔到？就算為意到，都應該唔會亂諗嘢啩？但係依家女性主義聲勢浩大，佢會唔會就因為呢一剎，喺網上開始留言責罵我？咁佢會唔會已經影低咗我，腦內已經準備好千字文，一返到屋企就滔滔不絕咁敲起鍵盤？
忽然聽到跑步機狂吼，我反射地望過去。激烈轉動嘅滾帶、地震般搖晃嘅熒幕，急促而用力嘅步伐，掛喺旁邊嘅運動上衣，只係著住運動胸圍嘅佢。
女性主義為咗隻貓殺死我嘅好奇心，於是我結束熱身，走去一部見唔到佢嘅機器做胸肌訓練。我將重量校到四十公斤，一個平時我推嘅重量，但推咗幾下，我竟然感到非常吃力。
係熱身不足嘅關係？我休息幾秒再推多下，依然比平時吃力。我試著集中精神，但跑步機嘅狂號不停鑽開腦袋，開咗個大窿俾佢跑咗入嚟。
你唔係喺跑步機跑緊咩？點解會跑咗入嚟？你繼續跑啦，做咩喺我腦入面原地跑？你再唔走，我就… …我就… …
然後跑步機嘅聲音停咗，佢喺我未做出任何行動前，從我腦袋逃跑掉。我亦趁機集中精神用力推咗一下，先發覺滿身香汗，以運動上衣遮胸嘅佢係我前面行過，離開咗健身房。
本來想再推多一下，但佢嘅汗珠被燈光蒸發，喺眼前凝聚成霧，無法繼續集中鍛練之餘，其實所有嘅體力已經喺胡思亂想時用盡。
「睇嚟今日都係無態… …去隔籬焗埋個桑拿就走啦… …」
「嘟！」「嚓！」
※
「嘟！」「嚓！」
呢個時候竟然有人入嚟健身？我已經揀個無乜人嘅時間，費事被人有心或無意咁望過嚟。算嘞……唔好理邊個，我自己專心跑步就得。
之不過，望一眼都無所謂啩？至少知道咩人同我一齊喺度做運動。
於是，我稍稍向微弱嘅腳步聲睄去。眼角正好同佢嘅眼角對上十分之一秒。
佢咁啱都望過嚟？定係望下係咪有人跑緊步？抑或其實已經望咗一段時間，意識到我望過去就立刻轉頭去望單車機？都同自己講同班姊妹去遠少少嘅女性限定健身室，唔使驚自己好似幅畫咁俾人望左望右……
諗起班姊妹，無佢哋呢幾年喺情傷後陪我，可能我生活已經變得一塌糊塗，甚至自殺死咗。當年佢哋話現代女性唔駛有男人，又套天海祐希句「男人會背叛你，但肌肉唔會」，的確令我下定決心做好自己、鍛練自己，令自己身心健康。
依家我工作穩定、線條健美、財務獨立，算係自由自在，但總係覺得差啲嘢。姊妹當中有一個女同性戀者，對我特別熱心，又不時約我出街食飯。明眼人都知佢追我，不過我就係無呢方面嘅意思。
其實我知道，我依然係一個異性戀嘅女性，好想有個男人陪我、錫我。佢當然要有啲基本條件，例如人工、興趣相若，老老實實，唔太醜樣同身形唔走樣等。
你話當有日我返到屋企，見到心愛嘅男人認真做佢嘅嘢，不論係煮飯，畫畫、或者工作，而我就喺對面，靜靜地望住佢，好似欣賞一件藝術品咁，呢一個畫面就好似愛情文藝電影中嘅一幕，係咪好靚先？
等等……我依家係獨立女性，唔可以俾呢種未成熟嘅幻想再次佔據我思維。我當下撳加速掣，滾帶轉得愈嚟愈快，步伐亦隨住加快。流嘅汗愈嚟愈多，身體愈嚟愈熱，我拉低拉鏈，除咗件上衫掛喺側邊，用力追趕眼前嘅電子熒幕。
無錯！我已經唔係當時無知嘅少女，你睇我依家跑得幾快？男人同熊人都追我唔到，你呢啲幼稚幻想又點會追到我！
忽然，我感到單車機射出兩道目光，但好快消失咗。我踏出滾帶，喺滾帶兩邊企定，轉頭向單車機確認，卻已是人去車空。唔通頭先個男人見我只有運動胸圍而望過嚟？定因為擔心我，所以望過嚟？但點解望完走咗去？
我好奇咁伸個頭出去望，見佢喺度做胸肌訓練，但推得好辛苦。可能佢係初學健身？但佢身型又唔似初學者……難道見到我只係著住運動胸圍，露出少少乳溝，怕醜得走咗去，連平時嘅重量都推唔到？咁樣嘅話佢又幾可愛喎……
我決定熄咗部跑步機，行過去睇真啲佢個樣。愈行愈近，佢個樣愈清楚，睇落尚算四正，而且嚟得呢個會所，應該人工有咁上下。見佢集中精神咁鍛練胸肌，雖然唔係好舉到，但認真做事嘅男人總散發一種魅力。
嘴角不自禁揚起，我立刻用運動上衣遮住自己嘅癡態，免得成為佢今晚幻想嘅對象。
「或者我應該有禮貌點頭打個招呼……算嘞……都行到門口，出去焗個桑拿啦… …」
「嘟！」「嚓！」
留言
發佈留言