或者肚餓嘅緣故，老師所謂嘅換衫，我要飯後留意到。 乍看之下，佢依舊戴住幼框墨鏡，圍起嗰條棗紅色嘅頸巾，身穿同一件長長嘅大褸。直至我哋將午飯套餐食完，老師離開座位付錢時，我先見到佢雙腿裸着膝頭，套起一對長筒雪皮靴。 離開旅館之前，佢從口袋內拎出冷帽及皮手套戴上，但膝頭依然暴露於空氣中，任由寒風恣意吹刮。我唔明白。點解佢之前緊張我嘅衣著唔夠抵冷，依家自己卻對膝頭毫無保護。 我無法按住自己嘅好奇，同時帶住對呢種雙重標準嘅不滿，各自上車坐好後問：「你咁樣着唔凍？」 「我有好似你咁樣跳嚟跳去咩？」佢嘲笑話，「你唔知女生忍耐能力比男人犀利？」 「男人唔係強壯啲咩？」 「喺冬天，你會見到唔少女性着短裙，但你會唔會見到男性着短褲？」 「又……又好似係……」我諗起落雪嘅街道，情景的確如此，「但點解要咁樣做？」 「因為想做。」 「就係因為呢啲……」我怕激嬲佢，壓低咗聲音，「毫無邏輯嘅原因？」 「所有嘢到最後都係毫無邏輯，只有喺結果上俾到自己咩嘢意義。」 「就算係痛楚，或者係受苦難，只要俾到意義自己就可以？」 我嘅說話有如落喺地上嘅雪花，埋沒於白茫茫嘅寂靜雪堆中。 老師開咗差唔多一個鐘嘅車，到咗一個細小嘅公共停車場。佢示意我帶好背囊落車，然後我哋行到一個有指示牌寫住「雙繩滝．五百米」嘅山路入口。裡面山路唔算崎嶇，但因為融雪使得路面濕滑，有時要用手扶住左邊嘅石牆而行，避免跌落右邊嘅山崖。十幾分鐘後，不遠處出現一個用木柵圍住嘅小看台，老師加快腳步，幾乎喺踏上看台前跣倒。 走到看台，見老師已經背向我，四十五度抬頭望向前方。我沿住佢視線，兩幕水藍冰瀑就似霧雪中打出兩道冰雷，劈開堅硬峭壁石崖，散出尖銳如箭嘅冰錐從隙間湧出，一支支向住我雙眼直衝而來。 呢一刻，面前看台變成另一個空間。喺嗰度，所有東西被凝結。來勢洶洶嘅瀑布喺吞噬看台嘅一刻前被凝結，河內欲游嘅魚喺擺尾一刻前被凝結，本來心急差啲滑倒嘅老師喺呢刻都係被凝結。 我將被凝結嘅呢一刻濃縮喺手機入面。 可能我嘅動作，又或者時間已到，老師轉身走出看台，往左拐向石牆行去。當我正喺度疑惑嘅時候，佢喺石崖一個無咁斜嘅地方，踩上一塊石頭向上行。我追咗上去，發覺呢個位看似無路，但有輕微被行過嘅痕跡。抬頭一望，老師以近乎手腳並用嘅姿勢爬上石階。我立刻追咗上去。 呢條路既未被開發，而且又斜又迂迴，再加上雪滑，即使我對自己體力算有信心，都覺得一啲都唔容易爬。然而，我...
我一向唔信星座。
星座書成日話我係火象星座，係一個熱情、主動、開朗嘅人，但我一直唔覺得自己係呢種人。回想自己嘅過往種種行為同對事嘅回應，總係被動同收收埋埋，就算有委屈都多數將件事放置唔理，覺得時間會沖淡及治療一切。
反觀，一樣係火象星座嘅阿璇，就百分百展現出應有嘅性格。佢有着射手座應有嘅行動力，諗到做咩就做咩。如果有清晰嘅目標，就會窮追不捨，直至做到或得到為止。
外人聽到阿璇呢種性格，一定會諗到佢係一個衝動而魯葬嘅人。不過作為阿哥，對咗廿幾年，佢好清楚點樣控制自己接近目標嘅速度、把弓射到幾遠、支箭射唔射得中。就好似讀書咁，佢喺鍾意同擅長嘅科目入面無一年全校唔係三甲，但其他只有合格多少少。
至於感情方面，佢鍾意嘅就會盡力去追求，開始後會喺拍拖過程中知道對方嘅底線同局限。去到覺得會傷害對方或強迫自己嘅位置，就同對方坦白，尋求一個中和點，如果無嘅話就斷然斬纜，唔會拖泥帶水。
所以，阿璇見到我唔嗲唔吊，心入面一定又嬲又心急。
「點解一定要講清楚？」
阿璇一聽到就睥住我，着晒火嘅眼神唔使望都感覺到。
「一句講晒，你唔問我問，你知我最討厭唔清唔楚。」
「好……好，我問……」
「唔只係問，係問清楚。」
「得……應承你。」
之後，我同阿璇各自食自己嘅早餐。我一邊食一邊諗點樣拆掂呢件事。阿璇肯定唔會放過我，但問女啡師我又怕尷尬。唔覺唔覺牛角包同咖啡已經消失，但對策依然未喺我腦出現。
「行啦！唔好同我拖時間。」
「唔好咁惡，俾少少面好無？話晒都係阿哥。」
「就係因為阿哥，我先睇唔過眼，唔想唔理。」
我知雖然阿璇係細妹，但好多嘢佢照顧我，多過我照顧佢，好多時真係我係細路多過阿哥。
「咁……行囉。」
我哋將食完嘅空杯紙袋丟入垃圾筒，阿璇急不及待起身行去啡站，我嗌都嗌唔住。返到嚟啡站，見到排咗條唔短嘅隊，就立刻同佢講：「唔係要因為呢件小事等到無人嘛？排到都未必問得清楚啦。」
阿璇谷住道氣，無從發洩，但的確又無符。
正當我想同佢講返屋企時，一把熟悉嘅女聲響起。
「做咩返嚟嘅？想續杯？」
一把活潑嘅聲音，唔擰轉頭都知係邊個。見到阿璇個樣由鼓埋泡腮，變成暗自偷笑，更加唔駛懷疑。
「唔係……」我轉頭同女啡師講，「啡站咁忙你唔幫手咩？」
「啱啱去咗休息嘛，依家咪返嚟囉。」
「咁我唔阻……」
阿璇聽到我咁講，故意咳咗聲提醒我。
「等陣……」我立刻轉口風，「我想你問一啲嘢。」
「咩嘢？咖啡嘢？簡單嘅可以即刻答你。」
「想……想問……點解你咁主動撩我傾計……」
「嘻嘻！」女啡師得意咁笑咗下，「想知？」
「想搞清楚……」
「上次你請我食檸檬，所以唔想話你知，等你心思思。」
我見身邊嘅阿璇聽到女啡師咁嘅態度，就嚟忍唔住爆發，立刻講：「我請你食飯道歉補償。」
「係咪去邊度食都得？」
「係……」睇嚟呢筆錢點都要俾，否則阿璇嘈起上嚟仲麻煩。
「聽晚得唔得閒？」
「得。」
「咁五點半呢度等。」
「可以。」
「咁一言為定，我真係要返去幫手，有咩聽晚講。」女啡師笑住揮手拜拜，走返入啡站。
「你滿意啦？」我有啲悔氣對阿璇講。
「未喎，」阿璇撓起雙手，「我都未聽到我想聽到嘅嘢；不過，算係一個好嘅開始。」
我鬆咗口氣，總算鎮得住阿璇，就問佢要唔要返宿舍。
「咁快想趕個細妹走？」
「唔係……見食完早餐、阿爸嘅話你又傳到，就連女啡師我都聽你話約咗，仲有嘢要交低咩？」
「你呀……聽晚同人食飯，有衫咩？」
「咩意思？」
「你返工著制服，又唔多出街，斷估你衣櫃嗰啲都係懶佬衫。」
講中晒……真係除咗素色Ｔ恤牛仔褲又無其他衫。
「唔出聲即係被我講中咗啦？」
「咁你想點？」
「帶你去買戰衣！」
阿璇一手搭住我膊頭，半推半拉咁帶我到馬路邊。佢截咗架的士，去咗一條專賣衫褲鞋襪嘅商店街。我哋落車行咗一陣，望落每一間舖頭各有自己嘅特色，我發覺即使同樣顏色嘅衫，都有好多唔同嘅款式。
「有無特別睇得上眼？有就入去。」阿璇一路行一路講，但我對服裝一竅不通，唯有聳一聳膊頭表示無頭緒。
阿璇「嘖」咗聲，拉我入咗去一間舖頭，開始將一啲掛起嘅展示品擺響我身上配搭。見到佢認為好睇嘅，就命令我去更衣室換俾佢睇。
入完一間又一間，換完一套又一套，阿璇樂此不疲，我就攰都想死。初時佢叫我買時我會同佢拗下，到後來我只想盡快俾完錢就走。
行到日落西山，洗咗我半份糧後，阿璇終於話：「本來仲有唔少地方去睇，但你聽日有約就無謂搞到太夜，俾啲時間你唞下。」
「真係多撚謝晒。」我兩手勾住十幾個裝滿「戰利品」嘅紙袋，用最後嘅力擠出呢句話。
「聽晚分分鐘你條撚會多謝我。」佢伸手截咗的士，推咗我上車，「聽晚搞掂同我報告下。」
我無佢咁好氣，無答到就閂咗度門，同司機講咗個地址就閉目養神。返到屋企，隨手將所有嘢丟低，簡單食咗啲嘢就去咗瞓。等第二朝起身先好好收拾一地嘅衫褲紙袋，將所有衫褲掛好，紙袋摺好收埋。
一朝早本來無乜嘢，一路上網睇下片、玩下小遊戲打發時間。不過，當時間愈來愈近五點半，我開始囉囉攣。
究竟陣間要點呢？
自己又唔多話題，會唔會搞到氣氛好差呢？
如果我講錯或做錯嘢點算？
我行咗入房，打開衣櫃，開始拎琴日買嘅衫出嚟。我將每一件衫同褲襯來襯去，務求打造一個唔失禮嘅形象。可惜，我始終對服裝無頭緒，根本唔知點先叫好睇。
最後，我打咗俾阿璇，佢好唔耐煩咁叫我著件恤衫配牛仔褲後就斷咗線，我只好聽話咁揀咗件白色暗花恤衫襯條黑色牛仔褲。
五點十五分。再唔出門口一定遲到。
我慢慢行到啡站附近，見到店員喺度收拾緊，但我左搵右搵都唔見女啡師。
「我喺度。」女啡師又出奇不意係我背後出現，「着得咁靚仔，頭先去飲嚟？」
「唔……唔係啦，咁第一次同你食飯，總要着得好啲。」我盡量唔望住佢講，「去邊度食？我知道有一間唔錯嘅日本嘢……」
當然係阿璇介紹啦。
「我已經諗好去邊度食，跟我嚟就得。」
「哦……」
我跟住着住便服嘅佢行咗無耐，行到黃杏街市門口。
「等等？呢度？」
「係呀！唔係去邊度？」
「呢度……幾污糟下喎，啲嘢食乾唔乾淨……？」
「定係你睇低呢啲地方？」佢認真咁望住我。
「唔……唔係……」我腦袋的確閃過唔少對街市嘅厭惡，覺得有些少慚愧，唔敢直望佢。
「咁行喇。」佢半帶命令同我講。
第一次聽見佢唔係笑住講嘢，我係咪激嬲咗佢？只見佢無理會我，搭咗扶手電梯上二樓，我亦跟住急急腳跟上去。上到二樓轉咗個彎，嚟到一個熟食中心。女啡師熟門熟路咁去到一間大排檔，圓屁股用力坐咗喺張摺凳上，兩手拎起餐牌睇食咩。
我頭耷耷坐咗喺佢對面，佢自顧自睇餐牌，不發一言，我又唔好意思開口，氣氛一如我之前擔心嘅僵硬。
「你要食咩？」估唔到佢先開口，遞張餐牌過嚟講，「話晒你請。」
「你決定就得，我乜都食。」
女啡師叫咗阿姐過嚟，點咗蒜蓉白菜、粟米班腩同梅菜芋扣肉，又嗌咗支大生啤。啤酒到枱，佢自己倒咗杯嚟飲，我都跟住斟咗一杯。
「頭先唔好意思，我只係唔慣呢度，所以有啲抗拒。」
「吹晒佢咪原諒你囉。」女啡師指住嗰半支啤酒。
錯就要認，打就企定，況且又唔係難事，我毫無猶豫就將樽內所有啤酒灌晒入肚。
女啡師見到立刻拍手叫好。
「我想問你一樣嘢……」我藉住酒氣同緩和咗嘅氣氛問佢，「點解你對我咁主動？」
女啡師笑臉依然，帶啲古惑講：「答我一個問題先。」
「你信唔信星座？」
星座書成日話我係火象星座，係一個熱情、主動、開朗嘅人，但我一直唔覺得自己係呢種人。回想自己嘅過往種種行為同對事嘅回應，總係被動同收收埋埋，就算有委屈都多數將件事放置唔理，覺得時間會沖淡及治療一切。
反觀，一樣係火象星座嘅阿璇，就百分百展現出應有嘅性格。佢有着射手座應有嘅行動力，諗到做咩就做咩。如果有清晰嘅目標，就會窮追不捨，直至做到或得到為止。
外人聽到阿璇呢種性格，一定會諗到佢係一個衝動而魯葬嘅人。不過作為阿哥，對咗廿幾年，佢好清楚點樣控制自己接近目標嘅速度、把弓射到幾遠、支箭射唔射得中。就好似讀書咁，佢喺鍾意同擅長嘅科目入面無一年全校唔係三甲，但其他只有合格多少少。
至於感情方面，佢鍾意嘅就會盡力去追求，開始後會喺拍拖過程中知道對方嘅底線同局限。去到覺得會傷害對方或強迫自己嘅位置，就同對方坦白，尋求一個中和點，如果無嘅話就斷然斬纜，唔會拖泥帶水。
所以，阿璇見到我唔嗲唔吊，心入面一定又嬲又心急。
「點解一定要講清楚？」
阿璇一聽到就睥住我，着晒火嘅眼神唔使望都感覺到。
「一句講晒，你唔問我問，你知我最討厭唔清唔楚。」
「好……好，我問……」
「唔只係問，係問清楚。」
「得……應承你。」
之後，我同阿璇各自食自己嘅早餐。我一邊食一邊諗點樣拆掂呢件事。阿璇肯定唔會放過我，但問女啡師我又怕尷尬。唔覺唔覺牛角包同咖啡已經消失，但對策依然未喺我腦出現。
「行啦！唔好同我拖時間。」
「唔好咁惡，俾少少面好無？話晒都係阿哥。」
「就係因為阿哥，我先睇唔過眼，唔想唔理。」
我知雖然阿璇係細妹，但好多嘢佢照顧我，多過我照顧佢，好多時真係我係細路多過阿哥。
「咁……行囉。」
我哋將食完嘅空杯紙袋丟入垃圾筒，阿璇急不及待起身行去啡站，我嗌都嗌唔住。返到嚟啡站，見到排咗條唔短嘅隊，就立刻同佢講：「唔係要因為呢件小事等到無人嘛？排到都未必問得清楚啦。」
阿璇谷住道氣，無從發洩，但的確又無符。
正當我想同佢講返屋企時，一把熟悉嘅女聲響起。
「做咩返嚟嘅？想續杯？」
一把活潑嘅聲音，唔擰轉頭都知係邊個。見到阿璇個樣由鼓埋泡腮，變成暗自偷笑，更加唔駛懷疑。
「唔係……」我轉頭同女啡師講，「啡站咁忙你唔幫手咩？」
「啱啱去咗休息嘛，依家咪返嚟囉。」
「咁我唔阻……」
阿璇聽到我咁講，故意咳咗聲提醒我。
「等陣……」我立刻轉口風，「我想你問一啲嘢。」
「咩嘢？咖啡嘢？簡單嘅可以即刻答你。」
「想……想問……點解你咁主動撩我傾計……」
「嘻嘻！」女啡師得意咁笑咗下，「想知？」
「想搞清楚……」
「上次你請我食檸檬，所以唔想話你知，等你心思思。」
我見身邊嘅阿璇聽到女啡師咁嘅態度，就嚟忍唔住爆發，立刻講：「我請你食飯道歉補償。」
「係咪去邊度食都得？」
「係……」睇嚟呢筆錢點都要俾，否則阿璇嘈起上嚟仲麻煩。
「聽晚得唔得閒？」
「得。」
「咁五點半呢度等。」
「可以。」
「咁一言為定，我真係要返去幫手，有咩聽晚講。」女啡師笑住揮手拜拜，走返入啡站。
「你滿意啦？」我有啲悔氣對阿璇講。
「未喎，」阿璇撓起雙手，「我都未聽到我想聽到嘅嘢；不過，算係一個好嘅開始。」
我鬆咗口氣，總算鎮得住阿璇，就問佢要唔要返宿舍。
「咁快想趕個細妹走？」
「唔係……見食完早餐、阿爸嘅話你又傳到，就連女啡師我都聽你話約咗，仲有嘢要交低咩？」
「你呀……聽晚同人食飯，有衫咩？」
「咩意思？」
「你返工著制服，又唔多出街，斷估你衣櫃嗰啲都係懶佬衫。」
講中晒……真係除咗素色Ｔ恤牛仔褲又無其他衫。
「唔出聲即係被我講中咗啦？」
「咁你想點？」
「帶你去買戰衣！」
阿璇一手搭住我膊頭，半推半拉咁帶我到馬路邊。佢截咗架的士，去咗一條專賣衫褲鞋襪嘅商店街。我哋落車行咗一陣，望落每一間舖頭各有自己嘅特色，我發覺即使同樣顏色嘅衫，都有好多唔同嘅款式。
「有無特別睇得上眼？有就入去。」阿璇一路行一路講，但我對服裝一竅不通，唯有聳一聳膊頭表示無頭緒。
阿璇「嘖」咗聲，拉我入咗去一間舖頭，開始將一啲掛起嘅展示品擺響我身上配搭。見到佢認為好睇嘅，就命令我去更衣室換俾佢睇。
入完一間又一間，換完一套又一套，阿璇樂此不疲，我就攰都想死。初時佢叫我買時我會同佢拗下，到後來我只想盡快俾完錢就走。
行到日落西山，洗咗我半份糧後，阿璇終於話：「本來仲有唔少地方去睇，但你聽日有約就無謂搞到太夜，俾啲時間你唞下。」
「真係多撚謝晒。」我兩手勾住十幾個裝滿「戰利品」嘅紙袋，用最後嘅力擠出呢句話。
「聽晚分分鐘你條撚會多謝我。」佢伸手截咗的士，推咗我上車，「聽晚搞掂同我報告下。」
我無佢咁好氣，無答到就閂咗度門，同司機講咗個地址就閉目養神。返到屋企，隨手將所有嘢丟低，簡單食咗啲嘢就去咗瞓。等第二朝起身先好好收拾一地嘅衫褲紙袋，將所有衫褲掛好，紙袋摺好收埋。
一朝早本來無乜嘢，一路上網睇下片、玩下小遊戲打發時間。不過，當時間愈來愈近五點半，我開始囉囉攣。
究竟陣間要點呢？
自己又唔多話題，會唔會搞到氣氛好差呢？
如果我講錯或做錯嘢點算？
我行咗入房，打開衣櫃，開始拎琴日買嘅衫出嚟。我將每一件衫同褲襯來襯去，務求打造一個唔失禮嘅形象。可惜，我始終對服裝無頭緒，根本唔知點先叫好睇。
最後，我打咗俾阿璇，佢好唔耐煩咁叫我著件恤衫配牛仔褲後就斷咗線，我只好聽話咁揀咗件白色暗花恤衫襯條黑色牛仔褲。
五點十五分。再唔出門口一定遲到。
我慢慢行到啡站附近，見到店員喺度收拾緊，但我左搵右搵都唔見女啡師。
「我喺度。」女啡師又出奇不意係我背後出現，「着得咁靚仔，頭先去飲嚟？」
「唔……唔係啦，咁第一次同你食飯，總要着得好啲。」我盡量唔望住佢講，「去邊度食？我知道有一間唔錯嘅日本嘢……」
當然係阿璇介紹啦。
「我已經諗好去邊度食，跟我嚟就得。」
「哦……」
我跟住着住便服嘅佢行咗無耐，行到黃杏街市門口。
「等等？呢度？」
「係呀！唔係去邊度？」
「呢度……幾污糟下喎，啲嘢食乾唔乾淨……？」
「定係你睇低呢啲地方？」佢認真咁望住我。
「唔……唔係……」我腦袋的確閃過唔少對街市嘅厭惡，覺得有些少慚愧，唔敢直望佢。
「咁行喇。」佢半帶命令同我講。
第一次聽見佢唔係笑住講嘢，我係咪激嬲咗佢？只見佢無理會我，搭咗扶手電梯上二樓，我亦跟住急急腳跟上去。上到二樓轉咗個彎，嚟到一個熟食中心。女啡師熟門熟路咁去到一間大排檔，圓屁股用力坐咗喺張摺凳上，兩手拎起餐牌睇食咩。
我頭耷耷坐咗喺佢對面，佢自顧自睇餐牌，不發一言，我又唔好意思開口，氣氛一如我之前擔心嘅僵硬。
「你要食咩？」估唔到佢先開口，遞張餐牌過嚟講，「話晒你請。」
「你決定就得，我乜都食。」
女啡師叫咗阿姐過嚟，點咗蒜蓉白菜、粟米班腩同梅菜芋扣肉，又嗌咗支大生啤。啤酒到枱，佢自己倒咗杯嚟飲，我都跟住斟咗一杯。
「頭先唔好意思，我只係唔慣呢度，所以有啲抗拒。」
「吹晒佢咪原諒你囉。」女啡師指住嗰半支啤酒。
錯就要認，打就企定，況且又唔係難事，我毫無猶豫就將樽內所有啤酒灌晒入肚。
女啡師見到立刻拍手叫好。
「我想問你一樣嘢……」我藉住酒氣同緩和咗嘅氣氛問佢，「點解你對我咁主動？」
女啡師笑臉依然，帶啲古惑講：「答我一個問題先。」
「你信唔信星座？」
留言
發佈留言