一日有廿四小時，扣除必要瞓覺嘅八個鐘、進餐及二便大約兩個鐘，仲有十四個鐘；再者與父母同住，煮飯打掃等家務都唔太需要我去做，呢十四個鐘可以話係完全由我控制同選擇點樣過。我可以出街玩、或者睇書學習進修備課、去組紐工房幫手、甚至到繩藝廳練習。然而，喺今日——寒假嘅第一日，我花咗所有嘅時間，好似非洲大草原中嘅水牛，警戒著眼前不動卻虎視眈眈望住我嘅手機。 「等我聯絡你。」 記起琴日離開輔導室之前，老師喺我手機內嘅通訊軟體，加入咗自己嘅帳號，並將佢成為密友清單中嘅唯一成員。 「我需要好好諗下點樣輔導你呢個壞學生。」佢無等我反應，就大步走返去教員室，留低一片茫然嘅我。 究竟咁樣係咩意思？我一直諗唔透。我唔會否認妄想過自己好似電影情節般喺度被佢引誘，但實在諗唔到一個合理嘅原因令佢選擇我，而唔去「安全」、「正常」咁搵其他男人去滿足佢嘅需要。 如果呢一刻手機螢幕真係顯示佢嘅訊息，我應該理會，定係當睇唔到？ 「你成日心不在焉，隔無耐就望手機，無事嘛？」媽媽喺晚飯時問我。 「無……」我將炸雞吞落肚後講，「有個朋友話寒假約我去玩，有少少緊張。」 「女仔嚟嘅？」爸爸呵呵笑住話。 「唔……唔係……」我差啲哽親，「係一……一大班人去玩……卦……」 「即係有男有女？」爸爸繼續追擊，「有無心儀嘅同學？」 「爸爸唔好再玩阿仔啦……」媽媽插嘴後同我講，「你第一次同新朋友去玩係會緊張啲，要放鬆先唔會影響心情。」 「係……知道。」 我心裡苦笑，食完飯幫忙收拾後返入房。 手提電話熒幕閃咗一下。 怦噗、怦噗、怦噗。 睡房只聽到心跳聲。 我稍稍平復，戰戰兢兢拎起手提。 「盛屋市天氣預報：明天密雲……」 「蠢材！」我暗自大罵一聲，將手提丟到床上。 然後手提電話好似烏鴉咁回應咗一聲，我心煩得怨咗句：「又咩事！？」 再次拎起電話一睇，短訊欄上顯示咗一句。 「寒假第一日過成點？」 我唔知應該點覆佢，諗嚟諗去只識得回「還可以」。 「講大話嘅學生需要輔導。」 我心頭一震，唔知點答佢。 沉默咗幾分鐘，手機傳來一句。 「星期二準備好，放學後嚟見我。」 「我唔明。」 「你點會唔明？」下一秒，程式顯示佢已離線。 手機無再俾提示。我瞓喺床上，問天花板應該點做，佢同手機一樣無頭緒。 兩日時間嘅思前想後，我發覺諗多無用，或者邊度結束，就由邊度開始。 星期二下年四點，我著返同嗰日相同嘅衣服款式，揹上同樣嘅背囊，帶上當日老匠人送我嘅初雪祭限定麻...
我開始去大學嘅健身房操練肌肉，又開始去行山練耐力，有時仲會帶上當年佔領時瞓街嘅帳幕同睡袋，喺山上住一晚。
讀書、返工、訓練、示威，咁就過咗三個月。
今日雖然係週末，但唔駛開工，於是早晨如常地去咗健身。之後我見天氣唔錯，便決定下午去行山。誰不知出發後，行咗無耐就開始落雨。按常理再行落去只會更危險，但我忽然想挑戰自己。我笠好防水運動褸嘅帽，拉緊拉鍊，繼續往平時山上嘅一處平原出發。
行到一半，我見到有人瞓喺山路上郁到唔郁。我行快兩步睇下，果然有個女仔暈咗喺度。我見佢衣服單薄又唔防水，衫已經濕到貼住皮膚，又唔似有帶任何裝備。呢條山路特別崎嶇，究竟點解佢會一個人乜都無就行上嚟？
雨愈落愈大，我一邊向佢大叫「小姐！起唔起到身，我帶你落山！」，一邊拍佢塊面，希望佢醒下。但係，佢係咁雙手亂撥，一直自言自語話「點解我咁殘？俾我死喇… …」。
我見佢神智不清，正想打電話求救時，竟然被佢右手一撥，成個電話跌咗落山。
天陰雨大，山路濕滑，求救無門，個女仔又精神錯亂，實在唔到我唔心慌；但我諗起我行山嘅目的，就係要磨練自己身心，等自己喺惡劣環境下做出最好嘅決定，於是立刻令自己冷靜下來，審視一下自己身處嘅情況。
留喺原地等肯定係最差嘅選擇。一來雨水會令兩個人體溫下降，到時我救唔到個女仔，自己亦有危險；二來荒山野嶺唔會無端端有人冒雨上來救我哋，我心諗唔可以唔郁。
落山求救看似係正常嘅做法，但雨水令崎嶇嘅山路變得濕滑，加上快要日落，差錯腳好易碌落山；上山嘅路雖然同樣濕滑，但最陡斜嘅路已經行完，只要行多一陣就係平路，去到平時嘅平原可以休息到天晴，應該可以一搏。
路已經決定好，但個女仔拍極都係好似飲醉酒咁精神錯亂，而且雨又未見收細，唔輪到我浪費時間。於是，我喺背囊拎條登山繩出嚟，然後用力拉佢起身，將佢條腰綁住我條腰，再讓佢左臂搭住我肩膀。感覺到佢雖然係咁打冷震，但總算企得穩。
我嘗試開始踏步，佢上身隨住我向前俯，但雙腳就一啲都唔郁，我立刻拍拍佢臉，大聲講：「小姐，行喇，我哋要行上山，唔係就凍死喇！」
「行上山死，好呀… …」佢明顯誤會咗我意思，但至少佢肯行，我唔理得咁多。
一路行，我一路睇住條路，盡量揀啲無咁跣嘅地方方來行。好彩本身條路只係斜同泥濘，加上佢知道我要同佢「行上山死」後唔似之前咁手腳亂撥，所以除咗行得比平時吃力外，總算有驚無險。
腳下嘅路開始平坦，我心亦開始定落嚟。頭先危急關頭，都無望真個女仔，依家無咁緊張，我偷偷地側起眼望向佢。或者佢眼角間有同年齡唔相稱嘅魚尾紋，同皮膚有啲差之外，我覺得佢樣子算係中上，實在唔明點解話自己殘而要死。
大把差佬知法犯法都未去死，輪唔到呢個女仔。
不遠處見到平原嘅入口，又覺雨開始收細，當下興奮起來，拔足向前，卻唔記得自己身邊有人要扶住，抱住腰際嘅右手往上一滑，反應過來後右臂已經係女仔嘅下胸間，手掌捏住她柔軟嘅乳房。
「對… …對唔住… …」右手立刻縮番去扶住佢條腰。
個女仔雖然仲係三魂唔見七魄，但做人不能乘虛而入，就算佢唔知我都道句歉。
終於扶佢行上到平原，我解開腰嘅登山繩，慢慢放佢落平地。此時雨勢已經減弱咗好多，我趁機搭起個帳幕，好讓二人有個地方遮風擋雨休息。
帳幕剛剛紮好，我回頭睇下個女仔嘅情況。
微雨下，個女仔企咗喺離我兩米嘅地方，開始脫去單薄嘅上衣。濕透嘅衣服加上錯亂嘅神智，令褪衣嘅時間變得緩慢；女性胴體以柔板速度逐點逐點展露眼前。
內弧嘅纖腰、半圓嘅乳房、微曲嘅鎖骨……
濕衣過頭後，佢揮一揮頭髮，橫向嘅水珠剛好彈入我眼睛，我反應地揉眼。目光回過後，粉紅色嘅胸圍已經跌在地上，雙乳正在斜睥著我，我先自覺自己嘅無禮同尷尬，羞得低頭下來。
量地不足十秒，就見到一條運動褲軟倒地上；正要抬頭望個究竟，卻被一個粉紅色嘅類三角形遮住視線。我伸手拿開眼前物件，見到個女仔已經喺雨中全裸，雙臂展開，頭仰天，不停地原地打轉。
我呆呆地看著廿幾年人生未見過嘅情境，然後一下雷聲，將我理智拉回理實。
個女仔低溫症發作！
我立刻喺帳幕內鋪好個睡袋，半強迫咁推咗佢入帳幕，用毛巾抹乾佢濕哂嘅身體後，近乎將佢硬塞入睡袋裡。
但係，佢唔肯留喺睡袋入面，不斷想爬出來；而我亦開始打冷震。我將濕咗嘅褸同運動長褲除低，剩低比較乾嘅Ｔ恤同四角褲。
「小姐，對唔住，我依家都開始失溫，希望你唔好當我係強姦犯……」
講完，我鑽入去睡袋，胸貼胸將佢抱住，拉好睡袋拉鍊，盡量唔好俾冷空氣攝入睡袋內。無耐，個女仔好似感到溫暖，漸漸安靜落嚟；我都開始因體力透支，沉沉睡去。
再張開眼時，雨已經停咗，天已經全黑。懷內個女仔呼吸聲沉重而緩慢。皮膚傳來嘅溫度恰到好處，不太冷亦無發燒，我即刻放心咗唔少。
我盡量以唔整醒佢嘅動作，爬出睡袋、走出帳幕。我著返自己套運動衫，拎出裝滿熱朱古力嘅保溫瓶，打開飲咗幾啖。可可嘅香味同暖意流入喉嚨，令人充滿能量時又心滿意足。
下過雨嘅天空未放晴，夜空只有厚雲，星星就似我哋呢班黑衣人，穿唔過厚厚嘅烏雲。
坐咗一陣先醒起個女仔仲係一絲不掛，立刻搵番佢啲衫，盡量扭乾後掛喺附近嘅樹枝上晾。
我喺佢條褲搵到銀包、鎖匙，同電話。將銀包鎖匙放好後，見到電話仲有電，諗住打緊急電話去求救。手指未撳完個號碼，就聽到個女仔喺帳幕入面叫咗一聲。
我拉開帳幕拉鍊，見到佢赤裸嘅身體，又立刻縮返轉頭，閂番好個帳幕，話佢知我求救緊同向佢道歉。
佢唔想我叫人來，只係想食啲嘢；我遞咗熱朱古力同麵包俾佢。
佢質問我點解佢無著衫；我尷尬地又有啲慌咁同佢講頭先發生嘅事。
佢話我聽佢係妓女。
一剎那，千頭萬緒。我暗自覺得好彩，同時又恥於自己嘅想法，結果我沉沉地打咗自己左面一拳。
「其實你係乜嘢唔重要，但我唔可以俾我自己唔尊重你，同你嘅身體，同你嘅任何嘢。」
佢問我點解要救佢；我答見人有難就救只係常識，反問佢點解著成咁行上咁崎嶇嘅山路。
佢發咗少少脾氣，話要再休息；我只好繼續坐喺帳幕外，望天看山，沉思自己應走嘅路。
半夜五點，個女仔不斷夢囈，不斷傳出輾轉反側嘅「沙沙」聲，聽得出佢發緊惡夢。
「救我呀！！」
佢大嗌一聲；我急得衝入帳幕。
佢見到我入咗來，無理到自己無著衫，撲過來攬住我，叫我抱住佢；我再問佢點解要上山。
佢娓娓道來自己嘅故事；我亦講咗點解我要行山。
「我恐懼，但我無誤判；我行山，但我唔逃避。」
天空開始出現一扇橙光。
同佢並肩而坐看著日出，我再一次感到世事總有希望，有轉機。
我哋四目相對時，見到佢眼泛淚光，連忙遞上紙巾俾佢抹眼淚。
但佢竟然將唇湊上，錫咗我一下。
我嘅初吻… …
意想不到嘅係… …
呢個同樣係佢嘅初吻… …
「我我我……又未拍過……拖……又……唔會俾……啲客……錫咀……咁梗梗……係……第一次……」佢口窒窒咁講。
羞澀嘅臉孔，同佢本身係妓女，造成一種反差萌，令我不禁笑起來。
同時又好可愛……
佢撒嬌般喺我手臂上大力打咗一下，回復一副老練嘅口氣，但我無俾佢佔上風。
「大發慈悲到免費送埋第一次俾我？」
我俾番啲半乾嘅衫佢著，又將佢個人物品俾番佢，然後執好帳幕睡袋、清理好垃圾，就同佢行番落山。
我好耐未試過咁放鬆同舒服，好耐未試過笑得咁開心。
望住佢背影，忽然好想呢段下山嘅路行唔完，但又點有呢個可能……
終於到咗山另一邊嘅車站，我哋再次望住對方。
終於要講再見… …
我想「再見」佢… …
「我哋會唔會再見？」我鼓氣勇氣問。
佢話我係一個一百分嘅嫖客。
「咁你即係繼續做？」聽到「嫖客」二字，我有啲失落。我明白佢始終係妓女，我哋嘅關係始終只會係一買一賣。
「如果一直有個一百分嘅嫖客搵我，邊度會想被其他人嫖？」
佢咁樣咩意思？只係想箍個熟客，定係……？
無論係點，我無放過呢個機會……
「咁……咁我點……搵你？」
「香檳大樓四樓十二號，我叫易拎，撳鐘就得。」
「我……我會去……搵你，我叫……」
佢用嘴唇阻止咗我嘅說話……
「等你搵我嗰時再講我聽喇。」
然後，佢坐上咗準備開走嘅小巴。
讀書、返工、訓練、示威，咁就過咗三個月。
今日雖然係週末，但唔駛開工，於是早晨如常地去咗健身。之後我見天氣唔錯，便決定下午去行山。誰不知出發後，行咗無耐就開始落雨。按常理再行落去只會更危險，但我忽然想挑戰自己。我笠好防水運動褸嘅帽，拉緊拉鍊，繼續往平時山上嘅一處平原出發。
行到一半，我見到有人瞓喺山路上郁到唔郁。我行快兩步睇下，果然有個女仔暈咗喺度。我見佢衣服單薄又唔防水，衫已經濕到貼住皮膚，又唔似有帶任何裝備。呢條山路特別崎嶇，究竟點解佢會一個人乜都無就行上嚟？
雨愈落愈大，我一邊向佢大叫「小姐！起唔起到身，我帶你落山！」，一邊拍佢塊面，希望佢醒下。但係，佢係咁雙手亂撥，一直自言自語話「點解我咁殘？俾我死喇… …」。
我見佢神智不清，正想打電話求救時，竟然被佢右手一撥，成個電話跌咗落山。
天陰雨大，山路濕滑，求救無門，個女仔又精神錯亂，實在唔到我唔心慌；但我諗起我行山嘅目的，就係要磨練自己身心，等自己喺惡劣環境下做出最好嘅決定，於是立刻令自己冷靜下來，審視一下自己身處嘅情況。
留喺原地等肯定係最差嘅選擇。一來雨水會令兩個人體溫下降，到時我救唔到個女仔，自己亦有危險；二來荒山野嶺唔會無端端有人冒雨上來救我哋，我心諗唔可以唔郁。
落山求救看似係正常嘅做法，但雨水令崎嶇嘅山路變得濕滑，加上快要日落，差錯腳好易碌落山；上山嘅路雖然同樣濕滑，但最陡斜嘅路已經行完，只要行多一陣就係平路，去到平時嘅平原可以休息到天晴，應該可以一搏。
路已經決定好，但個女仔拍極都係好似飲醉酒咁精神錯亂，而且雨又未見收細，唔輪到我浪費時間。於是，我喺背囊拎條登山繩出嚟，然後用力拉佢起身，將佢條腰綁住我條腰，再讓佢左臂搭住我肩膀。感覺到佢雖然係咁打冷震，但總算企得穩。
我嘗試開始踏步，佢上身隨住我向前俯，但雙腳就一啲都唔郁，我立刻拍拍佢臉，大聲講：「小姐，行喇，我哋要行上山，唔係就凍死喇！」
「行上山死，好呀… …」佢明顯誤會咗我意思，但至少佢肯行，我唔理得咁多。
一路行，我一路睇住條路，盡量揀啲無咁跣嘅地方方來行。好彩本身條路只係斜同泥濘，加上佢知道我要同佢「行上山死」後唔似之前咁手腳亂撥，所以除咗行得比平時吃力外，總算有驚無險。
腳下嘅路開始平坦，我心亦開始定落嚟。頭先危急關頭，都無望真個女仔，依家無咁緊張，我偷偷地側起眼望向佢。或者佢眼角間有同年齡唔相稱嘅魚尾紋，同皮膚有啲差之外，我覺得佢樣子算係中上，實在唔明點解話自己殘而要死。
大把差佬知法犯法都未去死，輪唔到呢個女仔。
不遠處見到平原嘅入口，又覺雨開始收細，當下興奮起來，拔足向前，卻唔記得自己身邊有人要扶住，抱住腰際嘅右手往上一滑，反應過來後右臂已經係女仔嘅下胸間，手掌捏住她柔軟嘅乳房。
「對… …對唔住… …」右手立刻縮番去扶住佢條腰。
個女仔雖然仲係三魂唔見七魄，但做人不能乘虛而入，就算佢唔知我都道句歉。
終於扶佢行上到平原，我解開腰嘅登山繩，慢慢放佢落平地。此時雨勢已經減弱咗好多，我趁機搭起個帳幕，好讓二人有個地方遮風擋雨休息。
帳幕剛剛紮好，我回頭睇下個女仔嘅情況。
微雨下，個女仔企咗喺離我兩米嘅地方，開始脫去單薄嘅上衣。濕透嘅衣服加上錯亂嘅神智，令褪衣嘅時間變得緩慢；女性胴體以柔板速度逐點逐點展露眼前。
內弧嘅纖腰、半圓嘅乳房、微曲嘅鎖骨……
濕衣過頭後，佢揮一揮頭髮，橫向嘅水珠剛好彈入我眼睛，我反應地揉眼。目光回過後，粉紅色嘅胸圍已經跌在地上，雙乳正在斜睥著我，我先自覺自己嘅無禮同尷尬，羞得低頭下來。
量地不足十秒，就見到一條運動褲軟倒地上；正要抬頭望個究竟，卻被一個粉紅色嘅類三角形遮住視線。我伸手拿開眼前物件，見到個女仔已經喺雨中全裸，雙臂展開，頭仰天，不停地原地打轉。
我呆呆地看著廿幾年人生未見過嘅情境，然後一下雷聲，將我理智拉回理實。
個女仔低溫症發作！
我立刻喺帳幕內鋪好個睡袋，半強迫咁推咗佢入帳幕，用毛巾抹乾佢濕哂嘅身體後，近乎將佢硬塞入睡袋裡。
但係，佢唔肯留喺睡袋入面，不斷想爬出來；而我亦開始打冷震。我將濕咗嘅褸同運動長褲除低，剩低比較乾嘅Ｔ恤同四角褲。
「小姐，對唔住，我依家都開始失溫，希望你唔好當我係強姦犯……」
講完，我鑽入去睡袋，胸貼胸將佢抱住，拉好睡袋拉鍊，盡量唔好俾冷空氣攝入睡袋內。無耐，個女仔好似感到溫暖，漸漸安靜落嚟；我都開始因體力透支，沉沉睡去。
再張開眼時，雨已經停咗，天已經全黑。懷內個女仔呼吸聲沉重而緩慢。皮膚傳來嘅溫度恰到好處，不太冷亦無發燒，我即刻放心咗唔少。
我盡量以唔整醒佢嘅動作，爬出睡袋、走出帳幕。我著返自己套運動衫，拎出裝滿熱朱古力嘅保溫瓶，打開飲咗幾啖。可可嘅香味同暖意流入喉嚨，令人充滿能量時又心滿意足。
下過雨嘅天空未放晴，夜空只有厚雲，星星就似我哋呢班黑衣人，穿唔過厚厚嘅烏雲。
坐咗一陣先醒起個女仔仲係一絲不掛，立刻搵番佢啲衫，盡量扭乾後掛喺附近嘅樹枝上晾。
我喺佢條褲搵到銀包、鎖匙，同電話。將銀包鎖匙放好後，見到電話仲有電，諗住打緊急電話去求救。手指未撳完個號碼，就聽到個女仔喺帳幕入面叫咗一聲。
我拉開帳幕拉鍊，見到佢赤裸嘅身體，又立刻縮返轉頭，閂番好個帳幕，話佢知我求救緊同向佢道歉。
佢唔想我叫人來，只係想食啲嘢；我遞咗熱朱古力同麵包俾佢。
佢質問我點解佢無著衫；我尷尬地又有啲慌咁同佢講頭先發生嘅事。
佢話我聽佢係妓女。
一剎那，千頭萬緒。我暗自覺得好彩，同時又恥於自己嘅想法，結果我沉沉地打咗自己左面一拳。
「其實你係乜嘢唔重要，但我唔可以俾我自己唔尊重你，同你嘅身體，同你嘅任何嘢。」
佢問我點解要救佢；我答見人有難就救只係常識，反問佢點解著成咁行上咁崎嶇嘅山路。
佢發咗少少脾氣，話要再休息；我只好繼續坐喺帳幕外，望天看山，沉思自己應走嘅路。
半夜五點，個女仔不斷夢囈，不斷傳出輾轉反側嘅「沙沙」聲，聽得出佢發緊惡夢。
「救我呀！！」
佢大嗌一聲；我急得衝入帳幕。
佢見到我入咗來，無理到自己無著衫，撲過來攬住我，叫我抱住佢；我再問佢點解要上山。
佢娓娓道來自己嘅故事；我亦講咗點解我要行山。
「我恐懼，但我無誤判；我行山，但我唔逃避。」
天空開始出現一扇橙光。
同佢並肩而坐看著日出，我再一次感到世事總有希望，有轉機。
我哋四目相對時，見到佢眼泛淚光，連忙遞上紙巾俾佢抹眼淚。
但佢竟然將唇湊上，錫咗我一下。
我嘅初吻… …
意想不到嘅係… …
呢個同樣係佢嘅初吻… …
「我我我……又未拍過……拖……又……唔會俾……啲客……錫咀……咁梗梗……係……第一次……」佢口窒窒咁講。
羞澀嘅臉孔，同佢本身係妓女，造成一種反差萌，令我不禁笑起來。
同時又好可愛……
佢撒嬌般喺我手臂上大力打咗一下，回復一副老練嘅口氣，但我無俾佢佔上風。
「大發慈悲到免費送埋第一次俾我？」
我俾番啲半乾嘅衫佢著，又將佢個人物品俾番佢，然後執好帳幕睡袋、清理好垃圾，就同佢行番落山。
我好耐未試過咁放鬆同舒服，好耐未試過笑得咁開心。
望住佢背影，忽然好想呢段下山嘅路行唔完，但又點有呢個可能……
終於到咗山另一邊嘅車站，我哋再次望住對方。
終於要講再見… …
我想「再見」佢… …
「我哋會唔會再見？」我鼓氣勇氣問。
佢話我係一個一百分嘅嫖客。
「咁你即係繼續做？」聽到「嫖客」二字，我有啲失落。我明白佢始終係妓女，我哋嘅關係始終只會係一買一賣。
「如果一直有個一百分嘅嫖客搵我，邊度會想被其他人嫖？」
佢咁樣咩意思？只係想箍個熟客，定係……？
無論係點，我無放過呢個機會……
「咁……咁我點……搵你？」
「香檳大樓四樓十二號，我叫易拎，撳鐘就得。」
「我……我會去……搵你，我叫……」
佢用嘴唇阻止咗我嘅說話……
「等你搵我嗰時再講我聽喇。」
然後，佢坐上咗準備開走嘅小巴。
留言
發佈留言