《素素》 素素芙顏淡， 梨渦粉月彎； 斜斜隈杏臉， 暮絳映腮間。
午睡。 夢見張國榮。 好驚訝會夢到佢。 畢竟同佢年代相隔。 既然不由自主咁夢到， 就落筆記落嚟。 夢裡佢喺街中突擊表演， 喺我同細妹面前唱歌。 「醉……醉生夢死傾瀉……」 未聽過嘅歌，唔似係佢嘅歌，或者任何人嘅歌。 雖如此，依然聽得如痴如醉。 隨住歌韻，舉手投足，更令人著迷。 演畢，佢從車尾箱攞出禮物送俾我哋。 我接過後，喺佢正要走時，問咗一句： 「喺我嘅世界，你已經死咗； 我可唔可以用手機影低留念？」 佢笑一笑，點點頭。 我緊張得手足無措， 要細妹遞部手機俾我。 佢望住我舉起嘅手機， 雙手與身體隨風搖擺， 臉上掛住不羈嘅笑容。 我不斷拍照同錄像。 喺我放低手機時， 我醒了，佢消失了。 急忙掃入床邊手機相簿內， 不見一絲影蹤。